ରାଇରଙ୍ଗପୁର: କୋରୋନା ପାଇଁ ସାରାଦେଶ ବର୍ତ୍ତମାନ ଲକଡାଉନ । ଆଉ ଏହାର ଫାଇଦା ଉଠାଉଛନ୍ତି ଚୋରା କାଠ ବେପାରୀ । ମୟୂରଭଞ୍ଜ ଜିଲ୍ଲା କରଞ୍ଜିଆ ଥାନା ଅଧୀନ 01ନଂ ୱାର୍ଡ କରଡିହା ନିକଟରେ ଆଜି ଦିନ 12ଟା ସମୟରେ ଏକ କୋଭିଡ-19 ଷ୍ଟିକର ଲଗାଇ ପିକଅପ ଭ୍ୟାନ ଯୋଗେ ଚୋରା କାଠପଟା ଠାକୁରମୁଣ୍ଡା ଅଭିମୁଖେ ଚାଲାଣ ହେଉଥିଲା।
କଭିଡ-19 ଗାଡ଼ିରେ ଚୋରା କାଠ ଚାଲାଣ, ତିନି ଗିରଫ
ତେବେ କୌଣସି ସୂତ୍ରରୁ ଖବର ପାଇ କରଞ୍ଜିଆ ଉପଖଣ୍ଡ ପୋଲିସ ଅଧିକାରୀ ନାରାୟଣ ନାୟକ ଚଢ଼ାଉ କରି ଗାଡିଟିକୁ ଧରିବାରେ ସଫଳ ହୋଇଥିଲେ ଓ କରଞ୍ଜିଆ ବନବିଭାଗକୁ ହସ୍ତାନ୍ତର କରିଥିଲେ। ବନବିଭାଗ ପିକଅପ ଭ୍ୟାନ ଓ ମୂଲ୍ୟବାନ କାଠପଟା ଜବତ କରିବା ସହ ତିନି ଜଣଙ୍କୁ ଗିରଫ କରିଛି । ଜବତ ହୋଇଥିବା ପିଆଶାଳ କାଠପଟାର ଆନୁମାନିକ ମୂଲ୍ୟ ୨ ଲକ୍ଷ ପଚାଶ ହଜାରରୁ ଉର୍ଦ୍ଧ୍ବ ହେବ ବୋଲି ବନବିଭାଗ ତରଫରୁ ଅନୁମାନ କରାଯାଉଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡ଼ା, ଇଟିଭି ଭାରତ
