ରାଇରଙ୍ଗପୁର: ପଣ୍ଡ ହେଲା ବେଆଇନ ଲୁହାପଥର ଚାଲାଣ । ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଟାଉନ ଥାନା ପୋଲିସ ବେଆଇନ ଭାବେ ଲୁହାପଥର ଚାଲାଣ ବେଳେ ଟ୍ରକକୁ ଜବତ କରିଛି ।
ବେଆଇନ ଲୁହାପଥର ଚାଲାଣ ପଣ୍ଡ
ସୂଚନାଅନୁସାରେ, ଜିଲ୍ଲାରେ ବେଆଇନ ଭାବେ ଲୁହାପଥର ଚାଲାଣ ହେଉଥିବା ନେଇ ପୋଲିସ ବିଶେଷ ସୁତ୍ରରୁ ଖବର ପାଇଥିଲା। ଗତକାଲି ରାତିରେ ରାଇରଙ୍ଗପୁର ଟାଉନ ଥାନା ପୋଲିସ ଲୁହାପଥର ଚଲାଣ ହେଉଥିବା ସ୍ଥାନରେ ଅଚାନକ ଚଢାଉ କରିଥିଲା । ଚଢ଼ାଉରେ ଗୋଟିଏ 12ଚକିଆ ଲୁହାପଥର ବୋଝେଇ ଟ୍ରକକୁ ଜବତ କରିଛି ପୋଲିସ । ଏହା ସହିତ ଡ୍ରାଇଭର ଓ ହେଲପରକୁ ଗିରଫ କରିଛି । ଗିରଫ ଟ୍ରକ ଚାଳକ ଜଣକ ମହିଷାନାଦା ଗ୍ରାମର ବାସୁଦେବ ନାଏକ ଓ ହେଲପର ଜଣକ ଇଚିଣ୍ଡାର ଶାନ୍ତନୁ ବାରିକ ବୋଲି ପୋଲିସ ସୂଚନା ଦେଇଛି।
ସେପଟେ ପୋଲିସ ଟ୍ରକ ମାଲିକକୁ ଧରିବା ପାଇଁ ଉଦ୍ୟମ ଜାରି ରଖିଛି। ତେବେ ପୂର୍ବରୁ ସୁଲେଇପାଟ, ଗୋରୁମହିଷାଣୀ ଓ ବାଦାମପାହାଡ ଲୁହାଖଣି ଆଖପାଖ ଅଞ୍ଚଳରୁ ବେଆଇନ ଭାବେ ଲୁହାପଥର ଚାଲାଣ ହେଉଥିବା ଅଭିଯୋଗ ହୋଇ ଆସୁଥିଲା।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
