କୋରାପୁଟ: କୋରୋନା ଭୂତାଣୁର ପ୍ରସାରକୁ ରୋକିବା ପାଇଁ ଗୁରୁବାର କୋରାପୁଟ ପୌରପରିଷଦ ପକ୍ଷରୁ ବ୍ଲିଚିଙ୍ଗରେ ସଫେଇ ଅଭିଯାନ ହୋଇଛି । ସମଗ୍ର ସହରର ରାସ୍ତାଘାଟ, ଦୋକାନ ବଜାର ଓ ଘରପିଣ୍ଡାକୁ ବ୍ଲିଚିଙ୍ଗ ପାଣିରେ ଧୋଇ ଦିଆଯାଇଛି । ଆଗାମୀ 5 ଦିନ ଏହି କାର୍ଯ୍ୟ ଜାରି ରହିବ ବୋଲି ଜଣାପଡିଛି ।
କୋରାପୁଟରେ କୋରୋନା ପ୍ରଭାବ: ବ୍ଲିଚିଙ୍ଗ ପାଣିରେ ସହର ସଫେଇ
ସବୁଦିନ ସକାଳେ ବଜାର 4 ଘଣ୍ଟା ପାଇଁ ଖୋଲା ରହୁଥିବାରୁ ସେହି ଅଞ୍ଚଳକୁ ବିଶେଷ ଗୁରୁତ୍ବ ଦିଆଯାଇଛି । ଆସନ୍ତା ପାଞ୍ଚଦିନ ମଧ୍ୟରେ ସହରର ଗଳିକନ୍ଦିରେ ଅଗ୍ନିଶମ ବିଭାଗର ଦମକଳ ଗାଡି ପହଞ୍ଚିବ । ଏହାଦ୍ବାରା ସିଭିଲ ଡିଫେନ୍ସର ସ୍ବେଚ୍ଛାସେବୀ ଏହି ସଫେଇ କାର୍ଯ୍ୟ ସମ୍ପନ୍ନ କରିବେ । ଏନେଇ ପୌରପରିଷଦ ଅଧିକାରୀ ଗୌର ଚନ୍ଦ୍ର ପଟ୍ଟନାୟକ ସୂଚନା ଦେଇଛନ୍ତି ।
କୋରାପୁଟ ସହରର ସୁରକ୍ଷା ଦିଗରେ ଏହି କାର୍ଯ୍ୟ ହେଉଛି । ତେଣୁ ଏଥିରେ ଯୋଗ ଦେଇ ଉତ୍ସାହିତ ବୋଲି ସ୍ବେଚ୍ଛାସେବୀ କହିଛନ୍ତି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
