ଭୁବନେଶ୍ୱର: ଓଡିଶା ଗସ୍ତରେ ଆସୁଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜଗତ ପ୍ରକାଶ ନଡ୍ଡା । ଲୋକସଭା ପ୍ରଭାସ କାର୍ଯ୍ୟକ୍ରମରେ ଯୋଗଦେବାକୁ ଆସନ୍ତା 27 ଓ 28 ଦୁଇ ଦିନିଆ ଗସ୍ତରେ ଆସୁଛନ୍ତି । ଏନେଇ ଆଜି ରାଜ୍ୟ ବିଜେପି ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତସିଂହାର ସୂଚନା ଦେଇଛନ୍ତି ।
ଲେଖୀଶ୍ରୀ କହିଛନ୍ତି, ‘‘ଚଳିତ ମାସ ଡିସେମ୍ବର 27 ଓ 28 ତାରିଖ ଦୁଇ ଦିନ ଓଡିଶାରେ ରହିବେ ରାଷ୍ଟ୍ରୀୟ ଅଧ୍ୟକ୍ଷ । ଦୁଇଟି ଲୋକସଭା କ୍ଷେତ୍ରରେ ହେବ କାର୍ଯ୍ୟକ୍ରମ । କନ୍ଧମାଳ ଓ ପୁରୀ ଲୋକସଭା କ୍ଷେତ୍ରକୁ ଗସ୍ତ କରିବେ । କର୍ମୀ ସମ୍ମିଳନୀ ସହ ସାଧାରଣ ସଭା କରିବେ । କର୍ମୀଙ୍କ ସହ ସିଧାସଳଖ ଆଲୋଚନା କରିବେ । ରାଜ୍ୟ ନେତୃତ୍ୱ ଓ ଜିଲ୍ଲାସ୍ତରୀୟ ନେତୃତ୍ୱଙ୍କ ସହ ସମୀକ୍ଷା ଏବଂ ଆଲୋଚନା କରିବେ । ସଂଗଠନ ବିସ୍ତାର ପାଇଁ ତଥା 2024 ସାଧାରଣ ନିର୍ବାଚନ ପ୍ରସ୍ତୁତି ନେଇ ହୋଇପାରେ ଆଲୋଚନା । ’’
ସେହିପରି ଲେଖାଶ୍ରୀ ସାମନ୍ତସିଂହାର କହିଛନ୍ତି ବିଜେପି ଏକ ସଂଗଠନ ଆଧାରିତ ଦଳ। ସଂଗଠନକୁ ଗୁରୁତ୍ୱ ଦିଆଯାଏ । ଆମେ ଆମ ଆଦର୍ଶରେ କାମ କରୁଛୁ। ନିର୍ବାଚନ ଗୋଟେ ପ୍ରକ୍ରିୟା। ନିର୍ବାଚନ ଆସେ ଯାଏ କିନ୍ତୁ ସଂଗଠନ ସବୁବେଳେ ସୁଦୃଢ ପାଇଁ ଦଳ କାମ କରିଥାଏ ବୋଲି କହିଛନ୍ତି ।
ଇଟିଭି ଭାରତ, ଭୁବନେଶ୍ବର
