ଖୋର୍ଦ୍ଧା: ଜିଲ୍ଲାରେ ବେଧଡକ ଭାବେ ବଢି ଚାଲିଛି ଧଳା ଜହର କାରବାର । ଫଳରେ ଯୁବପିଢୀ ଏହାର ଶିକାର ହେଉଥିବାବେଳେ ଦିନକୁ ଦିନ ଅଞ୍ଚଳରେ ଅପରାଧ ବୃଦ୍ଧି ପାଉଛି । ଗତ 6 ରୁ 15 ତାରିଖ ମଧ୍ୟରେ କେବଳ ବ୍ରାଉନ ସୁଗାର ବ୍ୟବସୟୀ ଧରାପଡିଥିବା ଜିଲ୍ଲା ପୋଲିସ ଗୁରୁବାର ଗଣମାଧ୍ୟମକୁ କହିଛି ।
ପୋଲିସର ସୂଚନାମୁତାବକ, ଗତ 10 ଦିନ ମଧ୍ୟରେ ଜିଲ୍ଲା ପୋଲିସ ମୋଟ 3ଟି ଘଟଣାରେ 47.81 ଗ୍ରାମ ବ୍ରାଉନସୁଗାର ଜବତ କରି 3 ଜଣଙ୍କୁ ଗିରଫ କରିଛି । ସେମାନଙ୍କ ଠାରୁ ନଗଦ 9ଲକ୍ଷ 23 ହଜାର ଟଙ୍କା ଏବଂ 4ଟି ମଟର ସାଇକେଲ ଜବତ କରିଛି ।
ଏହି ଘଟଣାରେ ଗିରଫ ବ୍ୟକ୍ତିମାନେ ହେଲେ ଜଙ୍କିଆ ଥାନା ଅନ୍ତର୍ଗତ ଛଣଗିରି ଅଞ୍ଚଳର ସଞ୍ଜୟ ମହାପାତ୍ର, ସିକୋ ଅଞ୍ଚଳର ମାନସ ମାଝି ଏବଂ ଖୋର୍ଦ୍ଧା ସାମନ୍ତରା ଅଞ୍ଚଳର ମହେନ୍ଦ୍ର ବେହେରା ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
