ଝାରସୁଗୁଡ଼ା: ବ୍ଳକର କୁରେଇବଗା ଓ ଚିଠୁଆପଡ଼ାସ୍ଥିତ ଜଙ୍ଗଲ ଓ ସ୍ଥାନୀୟ ଚାଷ ଜମିରେ ବେଦାନ୍ତ କମ୍ପାନୀରୁ ନିର୍ଗତ ହେଉଥିବା ପାଉଁଶ ପଡୁଛି । ଏହା ସହିତ ପାନୀୟ ଜଳ ଓ ନିତ୍ୟ ବ୍ୟବହାର ଜଳରେ ପଡି ପାଣିକୁ ଦୂଷିତ କରିବା ସହ ଲୋକମାନେ ବିଭିନ୍ନ ପ୍ରକାରର ଚର୍ମ ରୋଗରେ ପୀଡ଼ିତ ହେଉଥିବା ଅଭିଯୋଗ ହୋଇଛି । ସୂଚନା ଅନୁସାରେ ବେଦାନ୍ତ କମ୍ପାନୀରୁ ନିର୍ଗତ ଧୂଆଁ ଯୋଗୁଁ ଝାରସୁଗୁଡ଼ା ବ୍ଳକର କୁରେଇବଗା ଓ ଚିଠୁଆପଡ଼ାର ବାସିନ୍ଦା ବହୁତ ହଇରାଣର ସମ୍ମୁଖିନ ହେଉଥିବା ଅଭିଯୋଗ ହୋଇଛି ।
ବେଦାନ୍ତ କମ୍ପାନୀରୁ ନିର୍ଗତ ଧୂଆଁ ଓ ପାଉଁଶରେ ଅତିଷ୍ଠ ଲୋକେ, ଜିଲ୍ଲାପାଳଙ୍କୁ ଦେଲେ ଦାବିପତ୍ର
ଚାଷ ଜମିରେ ପାଉଁଶ ପଡ଼ିବା ସହିତ ପାନୀୟ ଜଳ ଓ ନିତ୍ୟ ବ୍ୟବହାର ଜଳରେ ପଡ଼ିବା ଫଳରେ ଲୋକମାନେ ବିଭିନ୍ନ ପ୍ରକାର ରୋଗରେ ପୀଡ଼ିତ ହେଉଥିବାରୁ ସ୍ଥାନୀୟ ଜନସାଧାରଣ ଜିଲ୍ଲାପାଳଙ୍କ କାର୍ଯ୍ୟାଳୟକୁ ଆସି ଏକ ଦାବିପତ୍ର ପ୍ରଦାନ କରିଛନ୍ତି ।
ଇଟିଭି ଭାରତ, ଝାରସୁଗୁଡ଼ା
