ଝାରସୁଗୁଡ଼ା: ଦୀର୍ଘଦିନ ବନ୍ଦ ରହିବା ପରେ ଝାରସୁଗୁଡ଼ାରେ ଆଜିଠୁ ଖୋଲିଲା ଆହାର କେନ୍ଦ୍ର। କରୋନା ପାଇଁ ଗତ ମାର୍ଚ୍ଚ ମାସରୁ ସମସ୍ତ ଆହାର କେନ୍ଦ୍ର ବନ୍ଦ ଥିଲା । ମୁଖ୍ୟ ଡାକ୍ତରଖାନାରେ ଗୋଟିଏ ଆହାର କେନ୍ଦ୍ର ଚାଲୁଥିବାବେଳେ ଝାରସୁଗୁଡ଼ା ପ୍ରମୁଖ ସ୍ଥାନ ବେଲପାହାଡ଼ ଓ ବ୍ରଜରାଜନଗରରେ ଥିବା ବାକି ୨ଟି ଆହାର କେନ୍ଦ୍ର ଆଜିଠାରୁ କାର୍ଯ୍ୟକ୍ଷମ ହୋଇଛି ।
ଦୀର୍ଘଦିନ ପରେ ଝାରସୁଗୁଡ଼ାରେ ଖୋଲିଲା ଆହାର କେନ୍ଦ୍ର
ଝାରସୁଗୁଡ଼ାରେ କରୋନା ସଂକ୍ରମଣର ଏବେ ଅପେକ୍ଷାକୃତ ଭାବେ ଯଥେଷ୍ଟ କମିଛି । ଆଗରୁ କମ୍ ଲୋକେ ଘରୁ ବାହାରୁ ଆସୁଥିଲେ, ତେଣୁ ବିନା ଆହାର କେନ୍ଦ୍ରରେ କାମ ଚଳି ଯାଉଥିଲା । ମାତ୍ର ଏବେ ଲକଡାଉନ ଉଠିବା ପରେ ପୁଣି ଜୀବନଯାତ୍ରା ସ୍ବାଭାବିକ ହୋଇଛି । ଫଳରେ ଆହାର କେନ୍ଦ୍ରର ଆବଶ୍ୟକତା ଥିବା ଯୋଗୁ ଏହାକୁ ପୁନଃ ଖୋଲାଯିବା ପାଇଁ ନିଷ୍ପତ୍ତି ନେଇଛି ଝାରସୁଗୁଡା ଜିଲ୍ଲା ପ୍ରଶାସନ । କିନ୍ତୁ ଆହାର କେନ୍ଦ୍ରରେ ଏଥର ଖାଦ୍ୟ ଖାଇବାବେଳେ ସାମାଜିକ ଦୂରତା ଓ କୋଭିଡ କଟକଣାକୁ ମଧ୍ୟ ଦୃଷ୍ଟି ଦେବ ଜିଲ୍ଲା ପ୍ରଶାସନ ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
