ଢେଙ୍କାନାଳ: ନିଯୁକ୍ତି ସମୟସୀମା ବୃଦ୍ଧି ପ୍ରତିବାଦରେ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ଧାରଣା ଦେଲେ ଅସ୍ଥାୟୀ ନର୍ସ। ମହାମାରୀ କୋରୋନା ସମୟରେ ସଂକ୍ରମିତ ମାନଙ୍କୁ ଚିହ୍ନଟ ହେଉ ବା ଚିକିତ୍ସା ଅସ୍ତାୟୀ ଭାବେ 3 ମାସ ପାଇଁ ନିଯୁକ୍ତି ପାଇଥିବା ନର୍ସ ମାନେ ଏବେ ତାଙ୍କ ନିଯୁକ୍ତି ସମୟ ସୀମା ବୃଦ୍ଧି ପାଇଁ ଦାବି କରୁଛନ୍ତି । ଏପରି କିଛି ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲାରେ ।
କୋଭିଡ କାର୍ଯ୍ୟରେ ତିନିମାସ ପାଇଁ ଅସ୍ଥାୟୀ ନିଯୁକ୍ତି ହୋଇଥିବା ଏହି ନର୍ସ ମାନଙ୍କ ପକ୍ଷରୁ ନିଯୁକ୍ତି ଅବଧି ବଢାଇବା ଦାବିରେ ଜିଲ୍ଲାପାଳଙ୍କ କାର୍ଯ୍ୟାଳୟ ସାମ୍ନାରେ ଧାରଣା ଦିଆଯିବା ସହ ପ୍ରତିବାଦ ଶୋଭାଯାତ୍ରା କରାଯାଇଛି । ଯୁବ ସମାଜସେବୀ ଦେବାଶିଷ ହୋତାଙ୍କ ନେତୃତ୍ବରେ ନର୍ସ ମାନେ ଏକ ଶୋଭାଯାତ୍ରାରେ ଯାଇ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଥିଲେ । ଏ ସମ୍ପର୍କରେ ସେମାନେ ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ ଏକ ଦାବିପତ୍ର ଜିଲ୍ଲାପ୍ରଶାସନ ଜରିଆରେ ପ୍ରଦାନ ମଧ୍ୟ କରିଛନ୍ତି।
ତେବେ ନିଜ ଦାବିରେ ଜିଲ୍ଲାପାଳ କାର୍ଯ୍ୟାଲୟ ଆଗରେ ଧାରଣାରେ ଅଡି ବସିବାରୁ ପୁଲିସ ସେମାନଙ୍କୁ ପ୍ରଥମେ ଗିରଫ କରି ପରେ ଛାଡ଼ି ଦେଇଥିବା ଜଣାପଡିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
