କଟକ: ପୋଲିସ ହ୍ୟାଣ୍ଡକପରେ କୁଖ୍ୟାତ ଲୁଟେରାଙ୍କ ସର୍ଦ୍ଦାର ବାବା ଗିରଫ । ଏକ ଚେନ ଲୁଟ ମାମଲାରେ ବାବା ଓ ସାଥୀ ଦିପୁକୁ ଗିରଫ କରିଛି ଜଗତପୁର ଥାନା ପୋଲିସ । ଏହାସହିତ ସେମାନଙ୍କ ନିକଟରୁ ଗୋଟିଏ ବାଇକ, 3ଟି ସୁନା ଚେନ ଓ ଦାମୀ ମୋବାଇଲକୁ ଜବତ କରିଛି ପୋଲିସ ।
କୁଖ୍ୟାତ ଅପରାଧୀ ବାବା ଗିରଫ
ଜଗତପୁର ଅଞ୍ଚଳର ଆଲୋକ ଚନ୍ଦ୍ର ଲେଙ୍କାଙ୍କ ଅଭିଯୋଗ କ୍ରମେ ତାଙ୍କ ମାଆ ନିକଟସ୍ଥ କୃଷ୍ଣେଶ୍ବର ମନ୍ଦିରରୁ ଫେରିଲାବେଳେ 2ଟି ଅଜଣା ଲୋକ ଆସି ତାଙ୍କ ଚେନ ଲୁଟି ଫେରାର ହୋଇଯାଇଥିଲେ । ତେବେ ଘଟଣା ଘଟିବା ପରେ ସ୍ଥାନୀୟ ଥାନାରେ ଏତଲା ପରେ ଉଭୟଙ୍କୁ ଖୋଜିଥିଲା ପୋଲିସ । ଶେଷରେ ଭେଟରାନ ଲୁଟେରା ବାବା ଓ ସାଥୀ ଦିପୁକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ବାବା ନାଁରେ ବିଭିନ୍ନ ଜିଲ୍ଲାରେ 40ରୁ ଊର୍ଦ୍ଧ୍ବ ମାମଲା ରହିଥିବାବେଳେ ଦିପୁ ନାଁରେ 4ଟି ମାମଲା ରହିଛି ।
ଗିରଫ ସମୟରେ ପୋଲିସ ସେମାନଙ୍କ ନିକଟରୁ ଗୋଟିଏ ବାଇକ, 1 ଲକ୍ଷ 45 ହଜାର ଟଙ୍କା ମୂଲ୍ୟର 3ଟି ସୁନା ଚେନ ଓ ଦାମୀ ମୋବାଇଲକୁ ଜବତ କରିଛି ପୋଲିସ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
