କଟକ: ଗୋବିନ୍ଦ ସାହୁ ମୃତ୍ୟୁ ଘଟଣାରେ ରାଜ୍ୟ ସରକାରଙ୍କୁ ଟାର୍ଗେଟ କଲା କଂଗ୍ରେସ । ଗୋବିନ୍ଦଙ୍କ ପାଇଁ ରାଜ୍ୟ ସରକାର ଉତ୍ତରଦାୟୀ ବୋଲି କଂଗ୍ରେସ ଅଭିଯୋଗ କରିଛି । ଜେଲରେ ମାନବାଧିକାର ଉଲ୍ଲଂଘନ କରାଯାଇ ଥିବା କହିଛନ୍ତି ଆଇନଜୀବୀ ତଥା କଂଗ୍ରେସ ପ୍ରବକ୍ତା ନିଶିକାନ୍ତ ମିଶ୍ର ।
ଏହି ମାମଲାର ନ୍ୟାୟିକ ତଦନ୍ତ ସହ ହାଇକୋର୍ଟର ଜଣେ ବିଚାରପତିଙ୍କ ଦ୍ୱାରା ତଦନ୍ତ କରିବା ପାଇଁ କଂଗ୍ରେସ ଦାବି କରିଛି । ସେହିପରି ଘଟଣାର ଅନୁଧ୍ୟାନ ପାଇଁ କଂଗ୍ରେସର ଏକ ଟିମ୍ ଖୁବଶୀଘ୍ର ବଲାଙ୍ଗୀର ଜେଲ୍ ଯିବ ଓ ଯାଞ୍ଚ ରିପୋର୍ଟକୁ ପିସିସି ସଭାପତିଙ୍କୁ ପ୍ରଦାନ କରିବ ବୋଲି କହିଛନ୍ତି ନିଶିକାନ୍ତ ମିଶ୍ର । ବହୁଚର୍ଚ୍ଚିତ ମମିତା ମେହେର ହତ୍ୟା ଘଟଣାର ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁଙ୍କ ଆତ୍ମହତ୍ୟା ଜନିତ ମୃତ୍ୟୁ ହୋଇଛି । କଣ୍ଟାବାଞ୍ଜି ଜେଲ୍ ଭିତରେ ଗୋବିନ୍ଦ ସାହୁ ଆତ୍ମହତ୍ୟା ଉଦ୍ୟମ କରିଥିଲେ । ମେଡିକାଲରେ ଗୋବିନ୍ଦଙ୍କୁ ମୃତ ଘୋଷଣା କରିଛନ୍ତି ଡାକ୍ତର । ଆଜି JMFC କୋର୍ଟରେ ହାଜର ହେବାର ଥିଲା । ଏହାପୂର୍ବରୁ ଜୀବନ ହାରିଛନ୍ତି ଗୋବିନ୍ଦ ସାହୁ ।
ଇଟିଭି ଭାରତ, କଟକ
