କଟକ: ମହଙ୍ଗା ପଡିଲା ପରକୀୟା ପ୍ରୀତି । ଶେଷରେ ଦାଦା ପୁଅ ଟାଙ୍ଗିଆ ଚୋଟରେ ଚାଲିଗଲା ବଡବାପା ପୁଅର ଜୀବନ । ଘଟଣା ଘଟିଛି ଟାଙ୍ଗୀ ଥାନା ସାମନ୍ତରାୟପୁରରେ । ଗତକାଲି(ମଙ୍ଗଳବାର) ରାତିରେ ଘଟିଛି ଏହି ଲୋମ ଟାଙ୍କୁରା ଘଟଣା। ଅନ୍ୟପଟେ ମୃତକଙ୍କ ଦାଦା ଓ ତାଙ୍କ ପୁଅ ଥାନାରେ ଅଟକ ରଖିଛି ପୋଲିସ ।
ପରକିୟା ପ୍ରୀତି ପାଇଁ ଗଲା ଜୀବନ, ଭାଇକୁ ହାଣିଲା ଭାଇ
ଟାଙ୍ଗୀ ସାମନ୍ତରାୟପୁରର ଗୌତମ ସ୍ୱାଇଁଙ୍କୁ ତାଙ୍କ ଦାଦା ପୁଅ ଘରୁ ଘୋଷାରି ଘର ପାଖ ଏକ ବିଲକୁ ନେଇ ଯାଇଥିଲେ । ସେଠାରେ ଗୌତମଙ୍କୁ ଟାଙ୍ଗିଆରେ ହାଣି ବିଭତ୍ସ ହତ୍ୟା କରିଛି ଦାଦା ପୁଅ ଭାଇ । ଘଟଣାଟି ସ୍ଥାନୀୟ ଅଞ୍ଚଳ ଚର୍ଚ୍ଚାର ବିଷୟ ପାଲଟିଛି । ତେବେ ପରକୀୟା ପ୍ରୀତି ସନ୍ଦେହରେ ଏପରି ହତ୍ୟାକାଣ୍ଡ ଘଟିଥିବା ଜଣାପଡିଛି । ଖବର ପାଇଁ ପୋଲିସ ଓ ସାଇଣ୍ଟିଫିକ ଟିମ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଆରମ୍ଭ କରିଛି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
