ବୌଦ୍ଧ: ପ୍ରଭୁ ଶ୍ରୀ ଜଗନ୍ନାଥଙ୍କ ଅନ୍ୟତମ ପାତଳୀ କ୍ଷେତ୍ର ଭାବେ ପରିଚିତ ବୌଦ୍ଧ ଜିଲ୍ଲାର ନାଏକପଡା ଗୁମ୍ଫା । ଏଠାରେ ପବିତ୍ର ରଜ ସଂକ୍ରାନ୍ତି ପର୍ବ ଆନନ୍ଦ ଉଲ୍ଲାସର ସହିତ ପାଳନ କରାଯାଇଛି । ମହାନଦୀ ପତ୍ତନଠାରୁ ଅତି କମରେ ହଜାରେ ଫୁଟ ଉଚ୍ଚ ପାହାଡ ଶିଖରରେ ଥିବା ଏହି ଆଧ୍ୟାତ୍ମିକ ପୀଠରେ ପହଞ୍ଚିଥିଲେ ‘ଇଟିଭି ଭାରତ’ ଟିମ୍ ।
ବୌଦ୍ଧ ଜିଲ୍ଲାର ଅନ୍ୟତମ ପର୍ଯ୍ୟଟନସ୍ଥଳୀ ନାଏକପଡାର ପାତାଳୀ କ୍ଷେତ୍ର । ପ୍ରାକୃତିକ ସୌନ୍ଦର୍ଯ୍ୟରେ ଭରପୁର ଏକ ନୈସର୍ଗିକ ଆନନ୍ଦ ପ୍ରଦାନ କରୁଥିବା ସ୍ଥାନ । ଯାହାକି ଯୁଗେ ଯୁଗେ ଶ୍ରୀ ଜଗନ୍ନାଥ ପ୍ରେମୀ ଭକ୍ତଙ୍କୁ ଟାଣି ଆଣିଥାଏ । ଇତିହାସ ଓ ପ୍ରାଚୀନ ଗ୍ରନ୍ଥରୁ ଜଣାଯାଏ ଯେ ବିଧର୍ମୀଙ୍କ ଆକ୍ରମଣରୁ ଶ୍ରୀଜୀଉଙ୍କ ସୁରକ୍ଷା ଉଦ୍ଦେଶ୍ୟରେ ଚତୁର୍ଦ୍ଧା ବିଗ୍ରହଙ୍କୁ ମହାନଦୀର ଜଳପଥରେ ଦଇତାପତିମାନେ ଘେନିଆସି ଭଞ୍ଜ ଶାସିତ ଉଡ୍ରମଣ୍ଡଳ ବା ବୌଦ୍ଧ ରାଜ୍ୟର ନାଏକପଡାଠାରେ ପାତାଳୀ କରିଥିଲେ ।
ଆଜି ମଧ୍ୟ ସ୍ଥାନୀୟ ଅଧିବାସୀ ଏହି ସ୍ଥାନରେ ଶ୍ରୀ ଜଗନ୍ନାଥଙ୍କ ସ୍ମୃତିଚାରଣ ପୂର୍ବକ ସଂକ୍ରାନ୍ତି ଦିବସକୁ ଆନନ୍ଦ ଓ ଶ୍ରଦ୍ଧାର ସହ ପାଳନ କରିଥାନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ