ବୌଦ୍ଧ: ଜିଲ୍ଲା ଗସ୍ତରେ ମୋ ସରକାରର ସ୍ବତନ୍ତ୍ର ସଚିବ ଅର୍ଚ୍ଚନା ପଟ୍ଟନାୟକ । ସେ ଜିଲ୍ଲାର ବୌଦ୍ଧ ଓ ହରଭଙ୍ଗା ବ୍ଲକର ବିଭିନ୍ନ ସ୍ଥାନରେ ଥିବା ଶିକ୍ଷାନୁଷ୍ଠାନ, ଛତୁଆ କେନ୍ଦ୍ର, ଅଙ୍ଗନବାଡି କେନ୍ଦ୍ର, ସାମାଜିକ ସୁରକ୍ଷା ବ୍ୟବସ୍ଥା ସବୁ ବୁଲି ଦେଖିଥିଲେ ।
ବୌଦ୍ଧ ଗସ୍ତରେ ‘ମୋ ସରକାର’ ସ୍ବତନ୍ତ୍ର ସଚିବ
ଏଥିସହ ବୌଦ୍ଧ ମୁଖ୍ୟ ଡାକ୍ତରଖାନାର ବିଭିନ୍ନ ଓ୍ବାର୍ଡ ପରିଦର୍ଶନ କରିଥିଲେ । ପୂର୍ବରୁ ରାଜ୍ୟର ଅନ୍ୟତମ ପ୍ରମୁଖ ଚକ୍ଷୁ ଡାକ୍ତରଖାନା ଏବେ ଅବହେଳିତ ହୋଇ ପଡିଥିବାରୁ ଏହାର ଆନୁଷଙ୍ଗିକ ବ୍ୟବସ୍ଥା ଉପରେ ଗୁରୁତ୍ବାରୋପ କରିଥିଲେ । ଦୀର୍ଘ ବର୍ଷ ଧରି ଚକ୍ଷୁ ଡାକ୍ତରଖାନା ପ୍ରାୟତଃ ଅଚଳ ହୋଇଥିବାରୁ ସେଠାରେ ଡାଏଲିସିସ କେନ୍ଦ୍ର ଚାଲିଥିଲା ।
ତେବେ ଉପର ମହଲାରେ ଚକ୍ଷୁ ବିଭାଗର ଉନ୍ନତି କରଣ କରାଯିବ ବୋଲି ମୁଖ୍ୟ ଚିକିତ୍ସା ଅଧିକାରୀ କହିଛନ୍ତି । ସ୍ବତନ୍ତ୍ର ସଚିବଙ୍କ ସହିତ ଜିଲ୍ଲାପାଳ ଲଲାଟେନ୍ଦୁ ମିଶ୍ର, ପିଡି ସୂର୍ଯ୍ୟ ନାରାୟଣ ଦାସ,ଉପଜିଲ୍ଲାପାଳ ଏନସି ଜ୍ୟୋତିରଞ୍ଜନ ନାଏକ ପ୍ରମୁଖ ଉପସ୍ଥିତ ଥିଲେ ।
ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ
