ବୌଦ୍ଧ: ପ୍ରକୃତିର ତାଣ୍ଡବ ଆଗରେ ହାର ମାନିଲା ଟେକ୍ନୋଲୋଜି। 12 ଘଣ୍ଟା ପୂର୍ବରୁ ଯେଉଁ ମଣ୍ଡପ ସାରା ଓଡ଼ିଶାର ଦୃଷ୍ଟି ଆକର୍ଷଣ କରୁଥିଲା ତାର ବେହାଲ ଦୃଶ୍ୟ ଅତ୍ୟନ୍ତ କଷ୍ଟକର ଥିଲା।
ବୌଦ୍ଧ ଜିଲ୍ଲା ମହୋତ୍ସବ ଉଦଘାଟନର 12 ଘଣ୍ଟା ନପୁରୁଣୁ ପ୍ରକୃତି ତାର କ୍ରୂର ରୂପରେ ଆତଙ୍କିତ କରିଛି ସବୁକିଛି। ଗୁରୁବାର ସନ୍ଧ୍ୟାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବୌଦ୍ଧ ମହୋତ୍ସବକୁ ଅତ୍ୟନ୍ତ ଆନନ୍ଦ ଉଲ୍ଲାସର ସହିତ ଉଦଘାଟନ କରିଥିଲେ। ମାତ୍ର କେଇ ଘଣ୍ଟା ପରେ ବର୍ଷା ଯୋଗୁଁ ମହୋତ୍ସବ ପଡିଆ ହୋଇପଡିଥିଲା ଜଳମଗ୍ନ।
ଚଳିତ ବର୍ଷ ଡିଜିଟାଲ ବ୍ୟବସ୍ଥାକୁ ଗ୍ରହଣ କରାଯାଇଥିବା ବେଳେ ବର୍ଷା ଯୋଗୁଁ ତାହା ବାଧାପ୍ରାପ୍ତ ହୋଇଛି । ବିଶେଷ ଭାବରେ ଏସଏଚଜି ଗ୍ରୁପ ଓ ପୁସ୍ତକ ବ୍ୟବସାୟୀଙ୍କ ସାମଗ୍ରୀ ନଷ୍ଟ ହୋଇଯାଇଥିବା ଜଣାପଡିଛି। ଏଥିପାଇଁ ସେମାନେ ବିଶେଷ କ୍ଷତିଗ୍ରସ୍ତ ହୋଇଥିବା କହିଛନ୍ତି । ଆଗକୁ ଯଦି ଆହୁରି ବର୍ଷା ହୁଏ ତେବେ ପରିସ୍ଥିତି କଷ୍ଟକର ହେବାର ସମ୍ଭାବନା ରହିଛି ବୋଲି କହିଛନ୍ତି।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
