ଅନୁଗୋଳ: ଜିଲ୍ଲାରେ ଥିବା ତାଳଚେର ଥର୍ମାଲ ପାୱାର ଷ୍ଟେସନ ବନ୍ଦ ହୋଇଛି । ସୋମବାର ରାତିରୁ ପ୍ଲାଣ୍ଟର ସମସ୍ତ ୟୁନିଟ ବନ୍ଦ କରାଯାଇଥିବା ସୂଚନା ମିଳିଛି । ପ୍ଲାଣ୍ଟ ବନ୍ଦ ନେଇ କୌଣସି ସଠିକ ସୂଚନା ଦେଇନାହାନ୍ତି କର୍ତ୍ତୃପକ୍ଷ । ଚଳିତ ମାସ 31 ତାରିଖରେ ପ୍ଲାଣ୍ଟ ବନ୍ଦ ହେବା ନେଇ ନିର୍ଦ୍ଦେଶ ରହିଥିଲା ।
ବନ୍ଦ ହେଲା ତାଳଚେର ଥର୍ମାଲ ପାୱାର ଷ୍ଟେସନ !
ପରିବେଶ ମଞ୍ଜୁରୀ ଶେଷ ହେଉଥିବାରୁ ପ୍ଲାଣ୍ଟ ବନ୍ଦ ହେବା ନେଇ ପୂର୍ବରୁ ନିଷ୍ପତ୍ତି ନିଆଯାଇଥିଲା । ଏନଟିପିସି ପରିଚାଳନାଧୀନ ଟିଟିପିଏସ କମ୍ପାନୀରୁ 420 ମେଗାୱାଟ ବିଜୁଳି ଉତ୍ପାଦିତ ହେଉଥିଲା । ପ୍ଲାଣ୍ଟ ବନ୍ଦକୁ ବିରୋଧ କରି ମଧ୍ୟ ଜିଲ୍ଲାରେ ଆନ୍ଦୋଳନ ଚାଲିଛି । ପ୍ଲାଣ୍ଟ ବନ୍ଦ ହେବା ଫଳରେ ଏଠାରେ କାର୍ଯ୍ୟ କରୁଥିବା ଲୋକମାନେ କୋରୋନା କାଳରେ ଜୀବିକା ହରାଉଥିବାରୁ ଆନ୍ଦୋଳନ କରୁଛନ୍ତି । ଅନ୍ୟ ସ୍ଥାନରେ ନିଯୁକ୍ତି ଦେବା ପାଇଁ ମଧ୍ୟ ସାଧାରଣରେ ଦାବି ହୋଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
