ଅନୁଗୋଳ: ଜାତୀୟ ସ୍ତରୀୟ ମୁଏଥାଇ ପ୍ରତିଯୋଗିତାରେ କମାଲ ଦେଖାଇଛନ୍ତି ଅନୁଗୋଳର କ୍ରୀଡ଼ାବିତ । ମଧ୍ୟପ୍ରଦେଶର ଦେବସ ଜିଲ୍ଲାରେ ଅନୁଷ୍ଠିତ ହୋଇଥିବା ଏହି ପ୍ରତିଯୋଗିତାରେ ସାରା ରାଜ୍ୟରୁ ୪୮ ଜଣ କ୍ରୀଡ଼ାବିତ ପ୍ରତିଯୋଗିତାରେ ଭାଗ ନେଇଥିବା ବେଳେ ସେମାନଙ୍କ ମଧ୍ୟରେ ୧୪ ଜଣ କେବଳ ଅନୁଗୋଳ ଜିଲ୍ଲାରୁ ରହିଛନ୍ତି ଏବଂ ସେମାନଙ୍କୁ ମିଳିଛି ୧୨ଟି ପଦକ ।
ଜାତୀୟ ମୁଏଥାଇ ପ୍ରତିଯୋଗିତାରେ ଅନୁଗୋଳକୁ ୬ଟି ସ୍ୱର୍ଣ୍ଣ ପଦକ
ଅନୁଗୋଳର ପ୍ରତିଯୋଗୀ ୬ଟି ସ୍ଵର୍ଣ୍ଣ ଏବଂ ୩ଟି ସିଲଭର ଓ ୩ଟି ବ୍ରୋଞ୍ଜ ପଦକ ହାସଲ କରିଛି । ଯାହାକି ଓଡିଶାରୁ କେବଳ ଅନୁଗୋଳ ଜିଲ୍ଲା ସ୍ଵର୍ଣ୍ଣ ପଦକ ହାସଲ କରିବାରେ ସଫଳତା ପାଇଛି । ସମସ୍ତ ପ୍ରତିଯୋଗୀ ଏବଂ ପ୍ରଶିକ୍ଷକ ଆଜି(ଗୁରୁବାର) ଟ୍ରେନ ଯୋଗେ ଆସି ଅନୁଗୋଳ ଷ୍ଟେସନରେ ପହଞ୍ଚି ଥିଲେ । ସେମାନେ ପହଞ୍ଚିବା ମାତ୍ରେ ଜିଲ୍ଲା ବିଜେଡ଼ି ସଭାପତି ମହେନ୍ଦ୍ର ବସ୍ତିଆ, ଯୁବ ନେତା ଅରୁନାଭ ସିଂହ ଓ ନଗରପାଳ ଅକ୍ଷୟ ସାମନ୍ତଙ୍କ ସମେତ ବହୁ ଜଣାଶୁଣା ବ୍ୟକ୍ତି ଏବଂ ଅନୁଷ୍ଠାନ ସେମାନଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ ।
ଇଟିଭି ଭାରତ, ଅନୁଗୋଳ
