ଭୁବନେଶ୍ବର : ଅଲମ୍ପିକରେ ଇତିହାସ ରଚିଛି ଭାରତ । ଟୋକିଓ ଅଲମ୍ପିକରେ ଜାଭଲିନ୍ ଥ୍ରୋରେ ସ୍ବର୍ଣ୍ଣ ପଦକ ଜିତିଲେ ଷ୍ଟାର ଅଲମ୍ପିଆନ୍ ନୀରଜ ଚୋପ୍ରା । ୧୨୦ ବର୍ଷ ପରେ ଅଲମ୍ପିକର ଆଥଲେଟିକ୍ସରେ ସ୍ବର୍ଣ୍ଣ ଜିତିଛି ଭାରତ । ଭାରତର ଉଦୀୟମାନ କ୍ରୀଡାବିତ ନୀରଜ ଚୋପ୍ରା ଜାଭେଲିନ ଥ୍ରୋ ରେ ସ୍ବର୍ଣ୍ଣ ପଦକ ହାସଲ କରିଛନ୍ତି । ଅଲମ୍ପିକ ଇତିହାସରେ ଭାରତର ଟ୍ରାକ ଏଣ୍ଡ ଫିଲ୍ଡ ଇଭେଣ୍ଟରେ ଏହା ସର୍ବଶ୍ରେଷ୍ଠ ପ୍ରଦର୍ଶନ ।
ଅଲମ୍ପିକରେ ଭାରତ ଜାଭଲିନ ଥ୍ରୋ ଫାଇନାଲର ପହଞ୍ଚିଥିବା ନୀରଜ ଚୋପ୍ରାଙ୍କ ଉପରେ ଥିଲା ଦେଶବାସୀଙ୍କ ନଜର । ସମସ୍ତଙ୍କ ଆଶା ପୂରଣ କରି ସେ ସ୍ବର୍ଣ୍ଣ ପଦକ ହାସଲ କରିଛନ୍ତି । ନୀରଜ ଆଜି ପ୍ରଥମ ପ୍ରୟାସରୁ ହିଁ ଦମ ଦେଖାଇଥିଲେ। ପ୍ରଥମେ ସେ ୮୭.୦୩ ମିଟିର ଜାଭଲିନକୁ ଫିଙ୍ଗି ଥିଲେ। ଏହାପରେ ଦ୍ବିତୀୟ ପ୍ରୟାସରେ ସେ ରେକର୍ଡ ୮୭.୫୮ ମିଟିର ଦୂରତାକୁ ଜାଭଲିନ ଫିଙ୍ଗି ସ୍ବର୍ଣ୍ଣ ପଦକ ପକ୍କା କରି ନେଇଥିଲେ।
-
Had a great time training at the Kalinga Stadium here in Bhubaneswar. Now looking forward to getting some competition experience under the belt. #tokyoolympics #Roadtotokyo @jswsports pic.twitter.com/1aG6qJHH5B
— Neeraj Chopra (@Neeraj_chopra1) February 13, 2021 " class="align-text-top noRightClick twitterSection" data="
">Had a great time training at the Kalinga Stadium here in Bhubaneswar. Now looking forward to getting some competition experience under the belt. #tokyoolympics #Roadtotokyo @jswsports pic.twitter.com/1aG6qJHH5B
— Neeraj Chopra (@Neeraj_chopra1) February 13, 2021Had a great time training at the Kalinga Stadium here in Bhubaneswar. Now looking forward to getting some competition experience under the belt. #tokyoolympics #Roadtotokyo @jswsports pic.twitter.com/1aG6qJHH5B
— Neeraj Chopra (@Neeraj_chopra1) February 13, 2021
ଅଲମ୍ପିକରେ ସ୍ବର୍ଣ୍ଣ ପଦକ ହାସଲ କରିଥିବା ନୀରଜ ଚୋପ୍ରାଙ୍କ ଓଡିଶା ସହିତ ମଧ୍ୟ ସମ୍ପର୍କ ରହିଛି । 2017 ଏସିଆନ ଗେମସ ସମୟରେ କଳିଙ୍ଗ ଷ୍ଟାଡିୟମରେ ନିଜ ଦମଦାର ପ୍ରଦର୍ଶନ କରି ସ୍ବର୍ଣ୍ଣ ପଦକ ବିଜୟୀ ହୋଇଥିଲେ । ବିଶେଷ କରି ଓଡିଶାର କଳିଙ୍ଗ ଷ୍ଟାଡିୟମରେ ଅଲମ୍ପିକ ପୂର୍ବ ପ୍ରସ୍ତୁତିର ସେ ଅଭ୍ୟାସ କରିଥିଲେ । ଏହା ପରେ ସେ ନିଜେ ଟ୍ବିଟ୍ କରି କରିଥିଲେ, କଳିଙ୍ଗ ଷ୍ଟାଡିୟମରେ ଜବରଦସ୍ତ ଟ୍ରେନିଂ ହୋଇଥିଲା । କଳିଙ୍ଗ ଷ୍ଟାଡିଅମ ସାଜିଥିଲା ନୀରଜଙ୍କ ଅଲିମ୍ପିକ୍ସ ତାଲିମର ପ୍ରୟୋଗଶାଳା । ସେ ଦେଶର ଜଣେ ଉଦୀୟମାନ କ୍ରୀଡାବିତ ରହିଛନ୍ତି । ଟୋକିଓ ଅଲମ୍ପିକରେ ସେ ଡେବ୍ୟୁ କରିଥିଲେ ।
ଏନେଇ ମଧ୍ୟ ପୂର୍ବତନ କ୍ରୀଡା ସଚିବ ଆର ଭିନିିଲ କ୍ରୀଷ୍ଣା ନିଜ ଟ୍ବିଟ ମାଧ୍ୟମରେ ସୂଚନା ଦେଇଛନ୍ତି ।
ଅଲମ୍ପିକରେ ବ୍ୟକ୍ତିଗତ କ୍ଷେତ୍ରରେ ପୂର୍ବରୁ ବେଜିଂ ଅଲମ୍ପିକରେ ସୁଟର ଅଭିନବ ବିନ୍ଦ୍ରା ସ୍ବର୍ଣ୍ଣ ପଦକ ହାସଲ କରିଥିଲେ । ଆଜି ନୀରଜ ଚୋପ୍ରା ସ୍ବର୍ଣ୍ଣ ପଦକ ହାସଲ କରି ଅଲମ୍ପିକରେ ବ୍ୟକ୍ତିଗତ କ୍ଷେତ୍ରରେ ଭାରତ ପାଇଁ ଦ୍ବିତୀୟ ପଦକ ହାସଲ କରିଛନ୍ତି । ନୀରଜ ଚୋପ୍ରା ଭାରତ ପାଇଁ ପଦକ ହାସଲ କରିବା ପରେ ସାରା ଭାରତବାସୀ ଶୁଭେଛା ଜଣାଉଛନ୍ତି । ରାଷ୍ଟ୍ରପତିଙ୍କ ଠାରୁ ଆରମ୍ଭ କରି ପ୍ରଧାନମନ୍ତ୍ରୀ ମୁଖ୍ୟମନ୍ତ୍ରୀ ସମସ୍ତେ ଶୁଭେଛା ଜଣାଉଛନ୍ତି ।
ଭୁବନେଶ୍ବରୁର ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
