ନୂଆଦିଲ୍ଲୀ: ଅନ୍ତର୍ଜାତୀୟ ପଦକ ବିଜେତା ଭାରତୀୟ ମହିଳା ବକ୍ସର ନୀରାଜ ଫୋଗତ ଡୋପ ଟେଷ୍ଟରେ ବିଫଳ ହୋଇଛନ୍ତି । ନୀରାଜ ରୁଷିଆର ଏକ ଟୁର୍ଣ୍ଣାମେଣ୍ଟରେ ସ୍ବର୍ଣ୍ଣ ଓ ସମ୍ମାନଜନକ ଷ୍ଟ୍ରାଣ୍ଡଜା ମେମୋରିଆଲ ଟୁର୍ଣ୍ଣାମେଣ୍ଟରେ ବ୍ରୋଞ୍ଜ ପଦକ ବିଜେତା ହୋଇଥିଲେ । ଏଥିସହିତ ଗୌହାଟିରେ ଖେଳାଯାଇଥିବା ଇଣ୍ଡିଆ ଓପନରେ ସ୍ବର୍ଣ୍ଣ ପଦକ ମଧ୍ୟ ଜିତିଥିଲେ ।
2020 ଟୋକିଓ ଅଲମ୍ପିକ୍ସରେ 57 କିଲୋଗ୍ରାମ ବର୍ଗରେ ନୀରାଜଙ୍କ ଠାରୁ ପଦକ ଆଶା ରହିଥିଲା । ତେବେ ଡୋପ ଟେଷ୍ଟରେ ବିଫଳ ହେବାପରେ ତାଙ୍କୁ ନିଲମ୍ବିତ କରାଯାଇଛି । ସେପ୍ଟେମ୍ବର 24ରେ କ୍ବାତାର ଆଣ୍ଟି-ଡୋପିଙ୍ଗ ଲାବରେ ତାଙ୍କର ପରୀକ୍ଷା ହୋଇଥିଲା । ତେବେ ନାଡା ପକ୍ଷରୁ 2015 ଆଣ୍ଟି ଡୋପିଙ୍ଗ ନୀୟମ ଅନୁଯାୟୀ ନୀରାଜଙ୍କୁ ନିଲମ୍ବିତ କରାଯାଇଛି ।
