ଇସଲାମାବାଦ: ଘୋର ଆର୍ଥିକ ଅବସ୍ଥାରେ ପଡିଛି ପାକିସ୍ତାନ ହକି ମହାସଂଘ । ଆସନ୍ତା ମାସରେ ଦିଲ୍ଲୀରେ ହେବାକୁ ଥିବା ଏଫଆଇଏଚର 47 ତମ କଂଗ୍ରେସ କାର୍ଯ୍ୟକ୍ରମରେ ଭାରତ ସହ ଦ୍ବିପାକ୍ଷିକ ସମ୍ପର୍କର ସୁଧାରିବା ନେଇ ପାକିସ୍ତାନ ଉଠାଇବା ବୋଲି ଏହାର ଜଣେ ଅଧିକାରୀ କହିଛନ୍ତି ।
ଦିଲ୍ଲୀରେ ଏଫଆଇଏଚର ବୈଠକ ଆସନ୍ତା ମେ 19 ରୁ 23 ପର୍ଯ୍ୟନ୍ତ ଅନୁଷ୍ଠିତ ହେବ । ଏହା ଏକ ଗୁରୁତ୍ବପୂର୍ଣ୍ଣ ବୈଠକ ହେବ । ଏହି ବୈଠକରେ ଏଫଆଇଏଚର ଆଗାମୀ ଚାରି ବର୍ଷ ପାଇଁ ଅଧ୍ୟକ୍ଷ ସମେତ ଅନ୍ୟାନ୍ୟ ବୋର୍ଡ ସଦସ୍ୟ ନିର୍ବାଚିତ ହେବେ । ଏହି ବୈଠକରେ ପାକିସ୍ତାନ ହକି ମହାସଂଘ ଭାରତ ସହ ଦ୍ବିପାକ୍ଷିକ ହିକ ଖେଳିବା ପାଇଁ ଚର୍ଚ୍ଚା କରାଯିବ ବୋଲି କହିଛନ୍ତି । ଏହା ଦ୍ବାରା ଦୁଇ ଦେଶର ହକି ପ୍ରେମୀ ତଥା ଖେଳାଳି ମାନଙ୍କୁ ଫାଇଦା ମିଳିବ ।
ଏହି ବୈଠକରେ ପାକିସ୍ତାନ ହକି ମହାସଂଘର ଅଧ୍ୟକ୍ଷ ବ୍ରିଗେଡିଅର ଖାଲିଦ ସଜ୍ଜାଦ ଓ ସଚିବ ଆସିଫ ବାଜୱା ସାମିଲ ହେବା ନେଇ ଭିସା ଆବେଦନ କରିଛନ୍ତି । ଭାରତ ଓ ପାକିସ୍ତାନ ମଧ୍ୟରେ ଗତ ଏକ ଦଶନ୍ଧି ହୋଇଛି କୌଣସି ଦ୍ବିପାକ୍ଷିକ ସିରିଜ ଖେଳାଯାଇନାହିଁ ।
ବ୍ୟୁରୋ ରିପୋର୍ଟ,ଇଟିଭି ଭାରତ
