ବେଙ୍ଗାଲୁରୁ: ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଖେଳାଯାଉଛି ପଞ୍ଚମ ତଥା ଶେଷ ଟି୨୦ ମ୍ୟାଚ୍ । ଏହି ମ୍ୟାଚ୍ରେ ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଛି ଦକ୍ଷିଣ ଆଫ୍ରିକା । ଏହି ନିର୍ଣ୍ଣାୟକ ଲଢ଼େଇରେ ବିଜୟୀ ହୋଇ ଉଭୟ ଦଳ ସିରିଜ୍ ହାତେଇବାକୁ ଚେଷ୍ଟା କରିବେ । ବର୍ତ୍ତମାନ ଏହି ୫ ଟିକିଆ ଟି-୨୦ ସିରିଜ୍ ୨-୨ରେ ବରାବର ରହିଛି ।
ଆଜିର ମ୍ୟାଚ୍ ପାଇଁ ଦକ୍ଷିଣ ଆଫ୍ରିକା ଦଳରେ ୩ଟି ପରିବର୍ତ୍ତନ କରାଯାଇଥିବା ବେଳେ ଭାରତୀୟ ଦଳ ଅପରିବର୍ତ୍ତିତ ରହିଛି । ଶେଷ ଟି-୨୦ ମ୍ୟାଚ୍ରେ ଦକ୍ଷିଣ ଆଫ୍ରିକା ଚୂଡ଼ାନ୍ତ ଏକାଦଶରେ ଟେମ୍ବା ବଭୁମା, ମାର୍କୋ ଜାନ୍ସେନ୍, ତବରେଜ ଶାମସୀଙ୍କ ସ୍ଥାନରେ ଟ୍ରିଷ୍ଟନ ଷ୍ଟବ୍ସ୍ ରିଜା ହେଣ୍ଡ୍ରିକ୍ସ, କେଜି କାଗିସୋ ରବାଡାଙ୍କୁ ସ୍ଥାନ ମିଳିଛି । ଗତମ୍ୟାଚ୍ରେ ଏକ ବାଉନ୍ସର ବଲ୍ରେ ଆହତ ହୋଇଥିଲେ ଅଧିନାୟକ ଟେମ୍ବା ବଭୁମା । ତାଙ୍କ ସ୍ଥାନରେ ଆଜି କେଶବ ମହାରାଜ ଦକ୍ଷିଣ ଆଫ୍ରିକା ଅଧିନାୟକ ଦାୟିତ୍ବ ନେଇଛନ୍ତି ।
ଚୂଡ଼ାନ୍ତ ଏକାଦଶ
ଭାରତ- ଋତୁରାଜ ଗାୟକୱାଡ୍, ଇଶାନ କିଶନ, ଶ୍ରେୟାସ ଆୟର, ଋଷଭ ପନ୍ତ (ଅଧିନାୟକ), ହାର୍ଦ୍ଦିକ ପାଣ୍ଡ୍ୟା, ଦୀନେଶ କାର୍ତ୍ତିକ, ଅକ୍ଷର ପଟେଲ, ହର୍ଷଲ ପଟେଲ, ଭୁବନେଶ୍ବର କୁମାର, ୟୁଜିବେନ୍ଦ୍ର ଚହଲ, ଆଭେଶ ଖାନ
ଦକ୍ଷିଣ ଆଫ୍ରିକା- କ୍ବିଣ୍ଟନ୍ ଡି କକ୍, ରିଜା ହେଣ୍ଡ୍ରିକ୍ସ, ରାସି ଭାନ୍ ଡେର୍ ଡୁସେନ୍, ଡେଭିଡ ମିଲର, ହେନ୍ରିକ୍ କ୍ଲାସେନ୍, ଟ୍ରଷ୍ଟନ୍ ଷ୍ଟବ୍ସ୍, ଡ୍ବେନ୍ ପ୍ରିଟୋରିଅସ୍, କାଗିସୋ ରବାଡା, କେଶବ ମହାରାଜ (ଅଧିନାୟକ), ଲୁଙ୍ଗି ନିଗିଡି, ଏନ୍ରିକ୍ ନୋର୍କିଆ
