ଦୁବାଇ: ଟି-୨୦ ବିଶ୍ବକପ ପରେ ବିରାଟ କୋହଲି ଟି-୨୦ କ୍ୟାପେଟନ ଛାଡିବା ନେଇ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(BCCI) ଅଧ୍ୟକ୍ଷ ସୌରଭ ଗାଙ୍ଗୁଲିଙ୍କ ବଡ ବୟାନ । ଗାଙ୍ଗୁଲି କହିଛନ୍ତି, ଏହି ନିଷ୍ପତ୍ତି ବିରାଟ କୋହଲିଙ୍କର ଥିଲା । ବୋର୍ଡ ତାଙ୍କ ଉପରେ କୌଣସି ଚାପ ପକାଇନଥିଲା ।
ଗାଙ୍ଗୁଲି ଏକ ଗଣମାଧ୍ୟମ ସଂସ୍ଥାକୁ କହିଛନ୍ତି ଯେ, "ମୁଁ ଏଥିରେ ଚକିତ ହୋଇଥିଲି । ବୋଧହୁଏ ସେ ଇଂଲଣ୍ଡ ବିପକ୍ଷ ସିରିଜ ପରେ ଏହି ନିଷ୍ପତ୍ତି କରିଥିଲେ । ଏହା ତାଙ୍କର ନିଷ୍ପତ୍ତି ଥିଲା । ନା ତାଙ୍କ ସହିତ ବୋର୍ଡ ପକ୍ଷରୁ କଥାବାର୍ତ୍ତା କରାଯାଇଥିଲା ନା ଚାପ ପକାଯାଇଥିଲା । ଆମେ କାହାରି ଉପରେ ଚାପ ପକାଉନାହୁଁ । ମୁଁ ବି ଖେଳାଳି ରହିଛି, ଏପରି କାର୍ଯ୍ୟ କେବେ କରିବି ନାହିଁ ।"
କୋହଲି କହିଥିଲେ "ଏବେ ବହୁତ କ୍ରିକେଟ ଖେଳାଯାଉଛି, ଏତେ ଲମ୍ବା ସମୟ ପର୍ଯ୍ୟନ୍ତ ତିନୋଟି ଫର୍ମାଟରେ ନେତୃତ୍ବ ସହଜ ନୁହେଁ । ମୁଁ ବି ପାଞ୍ଚ ବର୍ଷ କ୍ୟାପଟେନ ରହିଛି ।"
ବ୍ୟୁରୋ ରିପୋର୍ଟ, ଇଟିଭି ଭାରତ
