କୋଲକାତା: କୋରୋନା ଭାଇରସ କାରଣରୁ ମହେନ୍ଦ୍ର ସିଂ ଧୋନିଙ୍କ ବହୁ ପ୍ରତୀକ୍ଷିତ ଆଇପିଏଲ ପ୍ରତ୍ୟାବର୍ତ୍ତନ ବର୍ତ୍ତମାନ ସମୟରେ ଆଶା କରାଯାଇ ନପାରେ । କିନ୍ତୁ ତାଙ୍କ ପିଲାଦିନର କୋଚ୍ କେଶବ ରଞ୍ଜନ ବାନାର୍ଜୀ ଆଶା କରୁଛନ୍ତି ଯେ, ଧୋନିଙ୍କୁ ଶେଷ ସୁଯୋଗ ଭାବେ ଟି -20 ବିଶ୍ୱକପ ପାଇ ଭାରତୀୟ ଦଳରେ ସ୍ଥାନ ଦେବା ଉଚିତ୍ ।
ସୂଚନାଥାଉ କି, ମାର୍ଚ୍ଚ 29 ରେ ଆଇପିଏଲ୍ ଆରମ୍ଭ ହେବାର ଥିଲା । କିନ୍ତୁ କୋରୋନା ଭାଇରସ କାରଣରୁ ଏହା ଏପ୍ରିଲ୍ 15 ପର୍ଯ୍ୟନ୍ତ ସ୍ଥଗିତ ରଖାଯାଇଛି । ଗତ ବର୍ଷ ଜୁଲାଇରେ ବିଶ୍ବକପ୍ ସେମିଫାଇନାଲରେ ଭାରତ ପରାସ୍ତ ହେବା ପରେ ଧୋନି କ୍ରିକେଟଠାରୁ ଦୂରେଇ ରହିଛନ୍ତି । ବାନାର୍ଜୀ ଏକ ନ୍ୟୁଜ୍ ଏଜେନ୍ସିକୁ କହିଛନ୍ତି, "ଆଇପିଏଲ୍ ସାମ୍ପ୍ରତିକ ପରିସ୍ଥିତି ଯୋଗୁଁ ଆଉ ଆୟୋଜିତ ହେଉଥିବା ପରି ମନେ ହେଉନାହିଁ । ବିସିସିଆଇର ନିଷ୍ପତ୍ତି ପାଇଁ ଆମକୁ ଅପେକ୍ଷା କରିବାକୁ ପଡିବ । ଧୋନିଙ୍କ ଅବସ୍ଥା କଠିନ । କିନ୍ତୁ ମୋର ଭାବନା କହୁଛି ଯେ ସେ ଟି -20 ବିଶ୍ୱକପ୍ ଖେଳିବାର ସୁଯୋଗ ପାଇବେ ଦରକାର । ଯାହା ତାଙ୍କର ଶେଷ ବିଶ୍ବକପ୍ ହେବ । "
ସେ କହିଛନ୍ତି, "ଧୋନି ଚେନ୍ନାଇରୁ ଫେରିବା ପରେ ମୁଁ ତାଙ୍କ ସହ କଥା ହେଲି । ଏବଂ ମୁଁ ତାଙ୍କ ପିତାମାତାଙ୍କ ସହ ନିରନ୍ତର ଯୋଗାଯୋଗରେ ଅଛି । ସେ ଫିଟନେସ ଟ୍ରେନିଂ କରୁଛନ୍ତି ଏବଂ ସମ୍ପୂର୍ଣ୍ଣ ଫିଟ୍ ଅଛନ୍ତି ।"ଭାରତର ମୁଖ୍ୟ ପ୍ରଶିକ୍ଷକ ରବି ଶାସ୍ତ୍ରୀ ପୂର୍ବରୁ କହିଥିଲେ ଯେ, ଧୋନିଙ୍କ ଭବିଷ୍ୟତ ଆଇପିଏଲ ଦ୍ବାରା ସ୍ଥିର ହେବ । ଆଇପିଏଲ୍ ଅଟକି ରହିଥିବା ବେଳେ ସୁନୀଲ ଗାଭାସ୍କର ଏବଂ ବିରେନ୍ଦର ସେହୱାଗଙ୍କ ପରି ହେଭିୱେଟ୍ ଦୁଇଥର ବିଶ୍ୱକପ୍ ବିଜେତା ଅଧିନାୟକଙ୍କ ପ୍ରତ୍ୟାବର୍ତ୍ତନ ଉପରେ ପ୍ରଶ୍ନ କରିଛନ୍ତି ।
ବାନାର୍ଜୀ କହିଛନ୍ତି ଯେ ଏହା ସତ୍ୟ ଯେ, ସେ ଗତ ବର୍ଷ ଜୁଲାଇ ପରେ କୌଣସି ଟୁର୍ଣ୍ଣାମେଣ୍ଟ ଖେଳି ନାହାଁନ୍ତି । କିନ୍ତୁ ତାଙ୍କର 538ଟି ଅନ୍ତର୍ଜାତୀୟ ମ୍ୟାଚ୍ର ଅଭିଜ୍ଞତା ରହିଛି । ସେ କହିଛନ୍ତି, "ରାଞ୍ଚିରେ ସବୁକିଛି ବନ୍ଦ ଅଛି । କିନ୍ତୁ ସେ ତାଙ୍କ ଘରେ ଫିଟନେସ୍ ଟ୍ରେନିଂ ନେଉଛନ୍ତି । ତାଙ୍କର ଜିମ୍, ବ୍ୟାଡମିଣ୍ଟନ୍ କୋର୍ଟ ସବୁକିଛି ଖୋଲା ରହିଛି । ’’
