କଟକ: ଭାରତ-ୱେଷ୍ଟଇଣ୍ଡିଜ ମଧ୍ୟରେ ଦିନିକିଆ ସିରିଜର 3ୟ ତଥା ନିର୍ଣ୍ଣାୟକ ମ୍ୟାଚ ବାରବାଟୀ ଷ୍ଟାଡିୟମ କଟକରେ ଖେଳାଯିବ । ତେବେ ଏହା ପୂର୍ବରୁ ଟିମ ଇଣ୍ଡିଆକୁ ଲାଗିଛି ବଡ ଝଟକା ।
ଷ୍ଟାର ପେସ ବୋଲର ଦିପକ 3ୟ ଦିନିକିଆରୁ ବାହାରି ଯାଇଛନ୍ତି । ଆହତ କାରଣରୁ ଦିପକ ଏହି ଗୁରୁତ୍ବପୂର୍ଣ୍ଣ ସିରିଜ ନିର୍ଣ୍ଣାୟକ ମ୍ୟାଚରୁ ବାଦ ପଡିଛନ୍ତି । ଫଳରେ ଭାରତର ବୋଲିଂ ଆଟାକ ପ୍ରଭାବିତ ହେବାର ସମ୍ଭାବନା ରହିଛି । ଦିପକ ଚହରଙ୍କ ସ୍ଥାନରେ ନବଦୀପ ସାଇନିଙ୍କୁ ଦଳରେ ସାମିଲ କରାଯାଇଛି । 2ୟ ଦିନିକିଆରେ ପ୍ରଭାବୀ ପ୍ରଦର୍ଶନ କରିଥିଲେ ଚହର । ପୂର୍ବରୁ ଅଭିଜ୍ଞ ଭୁବନେଶ୍ବର କୁମାର ଆହତ କାରଣରୁ ବାଦ ପଡିଛନ୍ତି ।
ବାରବାଟୀ ଦିନିକିଆ ପାଇଁ ଭାରତୀୟ ଦଳ: ବିରାଟ କୋହଲି(କ୍ୟାପଟେନ), ରୋହିତ ଶର୍ମା, ମୟଙ୍କ ଅଗ୍ରୱାଲ, କେଏଲ ରାହୁଲ, ଶ୍ରେୟସ ଆୟର, ମନିଷ ପାଣ୍ଡେ, ଋଷଭ ପନ୍ତ(ୱିକେଟ କିପର), ଶିବମ ଦୁବେ, କେଦାର ଯାଦବ, ରବିନ୍ଦ୍ର ଜାଡେଜା, ୟୁଜଭେନ୍ଦ୍ର ଚହଲ, କୁଲଦୀପ ଯାଦବ, ମହମ୍ମଦ ସାମି, ଶାର୍ଦ୍ଦୁଳ ଠାକୁର, ନବଦୀପ ସାଇନି ।
