କାବୁଲ: ସମସ୍ତ ପ୍ରକାର କ୍ରିକେଟରୁ 6 ବର୍ଷ ପାଇଁ ବାସନ୍ଦ ହୋଇଛନ୍ତି ଆଫଗାନିସ୍ତାନ କ୍ରିକେଟର ସାଫିକୁଲା ସାଫକ। ଆଫଗାନିସ୍ତାନ କ୍ରିକେଟ ବୋର୍ଡ(ACB) ପକ୍ଷରୁ ଏହି ବାସନ୍ଦାଦେଶ ହୋଇଛି । ACBର 4ଟି ଦୁର୍ନୀତି ନିରୋଧ ଧାରାର ଉଲ୍ଲଂଘନ କରିଥିବା ଅଭିଯୋଗ ସାଫିକୁଲାଙ୍କ ନାମରେ ରହିଛି । ସମସ୍ତ ଅଭିଯୋଗକୁ ୱିକେଟ କିପର ବ୍ୟାଟ୍ସମ୍ୟାନ ସାଫିକୁଲା ସ୍ବୀକାର ମଧ୍ୟ କରିଛନ୍ତି ।
2018ରେ ଆଫଗାନିସ୍ତାନ ପ୍ରିମିୟର ଲିଗ T20(APL T20)ର ପ୍ରଥମ ସଂସ୍କରଣ ଓ ବର୍ଷ 2019ରେ ବାଂଲାଦେଶ ପ୍ରିମିୟର ଲିଗ(BPL)ରେ ବୋର୍ଡର ନିୟମ ଉଲ୍ଲଂଘନ କରିଥିବା ଘଟଣା ସାମ୍ନାକୁ ଆସିଛି । ଏନେଇ ସମସ୍ତ ତଥ୍ୟ ଆଫଗାନିସ୍ତାନ କ୍ରିକେଟ ବୋର୍ଡର ଅଫିସିଆଲ ୱେବସାଇଟରେ ପ୍ରକାଶ ପାଇଛି । ଏଥିରେ କୌଣସି ପ୍ରକାର ଦୁର୍ନୀତିକୁ ପ୍ରଶୟ ଦିଆଯିବ ନାହିଁ ବୋଲି ସ୍ପଷ୍ଟ କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
