ନୂଆଦିଲ୍ଲୀ: ଚଳିତ ମାସ ଅଗଷ୍ଟ 30ରୁ ଏସିଆ କପ ଆରମ୍ଭ ହେବାକୁ ଯାଉଛି । ସମୟ ଯେତିକି ନିକଟ ହେଉଛି ଟୁର୍ଣ୍ଣାମେଣ୍ଟରେ ସାମିଲ ଥିବା ଅନ୍ୟ ଦଳ ସେମାନଙ୍କ ଟିମ ଘୋଷଣା କରୁଛନ୍ତି । ଏସିଆ କପକୁ ଆଉ ମାତ୍ର ହାତ ଗଣତି ଦିନ ଥିଲେ ସୁଦ୍ଧା ଏ ଯାଏଁ ଭାରତୀୟ ଦଳ ଘୋଷଣା ହୋଇନାହିଁ । କାହିଁକି ଦଳ ଘୋଷଣାରେ ବିଳମ୍ବ ହେଉଛି । ସେ ନେଇ ପ୍ରଶ୍ନବାଚୀ ସୃଷ୍ଟି ହେଉଛି । କୁହାଯାଉଛି କି ଭାରତୀୟ ଟିମ ଘୋଷଣା ନ୍ୟାସନାଲ କ୍ରିକେଟ ଏକାଡେମୀରେ ଆରମ୍ଭ ହେବାକୁ ଥିବା ଶିବିରରେ କରାଯିବ । ଜାଣିଶୁଣି ଦଳ ଘୋଷଣାରେ ବିଳମ୍ବ କରାଯାଉଛି କାରଣ ୱିକେଟକିପର କେଏଲ ରାହୁଲ ଓ ମଧ୍ୟକ୍ରମ ବ୍ୟାଟର ଶ୍ରେୟାସ ଆୟାରଙ୍କ ଫିଟନେସ ଯାଞ୍ଚ କରାଯାଇ ପାରିବ ।
ଯଦି କେଏଲ ରାହୁଲ କିମ୍ବା ଶ୍ରେୟାସ ଆୟାରଙ୍କ ମଧ୍ୟରୁ ଜଣେ ଏସିଆ କପ ନ ଖେଳନ୍ତି ତେବେ ତାଙ୍କ ସ୍ଥାନରେ ଅନ୍ୟ ଖେଳାଳିଙ୍କୁ ସୁଯୋଗ ମିଳିପାରେ । ସଞ୍ଜୁ ସାମସନ, ତିଲକ ବର୍ମା ଓ ଇଷାନ କିସନଙ୍କୁ ସ୍ଥାନ ମିଳିପାରେ । ଏହା ସହିତ ଏସିଆ କପ ପାଇଁ ବିଳମ୍ବ ହେବା କାରଣ ରହିଛି ଭାରତର ଆୟର୍ଲାଣ୍ଡ ଗସ୍ତ । ଆସନ୍ତା 18 ତାରିଖରୁ ଭାରତ ଆୟର୍ଲାଣ୍ଡ ବିପକ୍ଷରେ 3ଟି ଟି-ଟ୍ବେଣ୍ଟି ମ୍ୟାଚ ଖେଳିବ ତେଣୁ ଏହା ପୂର୍ବରୁ ଦଳ ଘୋଷଣା ହୋଇନପାରେ । ଯଦି ଆୟର କି ରାହୁଲ ଫିଟ ନ ହୁଅନ୍ତି ତେବେ ତିଲକ ବର୍ମାଙ୍କ ଟିମରେ ଏଣ୍ଟ୍ରୀ ସମ୍ଭାବନା ଅଧିକ ।
ଏହା ବି ପଢନ୍ତୁ...Asia Cup 2023: ରାହୁଲଙ୍କ ପ୍ରସ୍ତୁତି ଜୋରଦାର, ଆୟରଙ୍କୁ ନେଇ ଦ୍ବନ୍ଦ୍ବ
