ମୁମ୍ବାଇ: ଆଜିର ଦିନ 2013ରେ ଅର୍ଥାତ ଜୁନ 21ରେ 'ରାଞ୍ଝଣା' ଫିଲ୍ମ ରିଲିଜ ହୋଇଥିଲା । ଫିଲ୍ମରେ ସାଉଥ ସୁପରଷ୍ଟାର ଧନୁଷ ଓ ବି-ଟାଉନ ଡିଭା ସୋନମ କପୁରଙ୍କ କେମେଷ୍ଟ୍ରି ଦେଖିବାକୁ ମିଳିଥିଲା । ଏହି ଫିଲ୍ମ ଜରିଆରେ ସୋନମ ରାତାରାତି ଫେମସ ହୋଇପାରିଥିଲେ । ଏହାସହ ଧନୁଷଙ୍କ ଅଭିନୟର ପ୍ରଶଂସା ମଧ୍ୟ ସବୁଆଡେ ଶୁଣିବାକୁ ମିଳିଥିଲା ।
ଫିଲ୍ମ ରିଲିଜକୁ 6 ବର୍ଷ ପୂରଣ ହୋଇଛି । ଏହି ଅବସରରେ ସୋନମ କହିଛନ୍ତି କି ଏହି ଫିଲ୍ମ ତାଙ୍କ ହୃଦୟରେ ସର୍ବଦା ରହିଆସୁଛି । ଏହାସହ ସେ ଫିଲ୍ମର ପୁରା ଟିମକୁ ଧନ୍ୟବାଦ ଜଣାଇଛନ୍ତି ।
ସୋନମ ଇନଷ୍ଟାଗ୍ରାମରେ ନିଜର ଏକ ଫଟୋ ସେୟାର କରି ଲେଖିଛନ୍ତି, "ରାଞ୍ଝଣା ସବୁବେଳେ ମୋ ହୃଦୟରେ ଅଛି । ଏହା ମୋର ଆଦର୍ଶ ଏବଂ ସଂଘର୍ଷକୁ ଏକ୍ସପ୍ଲୋର କରିଛି । ଯାହା ବିଷୟରେ ଏବେ ମଧ୍ୟ ମୁଁ ଭାବୁଛି । ରିଲିଜର 6 ବର୍ଷ ପରେ ମଧ୍ୟ । ଏତେ ବାସ୍ତବିକ ଏବଂ ନିର୍ଭୟ କରିବା ପାଇଁ ପୁରା ଟିମକୁ ଧନ୍ୟବାଦ ।"
ପ୍ରକାଶ ଥାଉକି ଫିଲ୍ମର ନିର୍ଦ୍ଦେଶନା ଦାୟିତ୍ବ ସମ୍ଭାଳିଥିଲେ ନିର୍ଦ୍ଦେଶକ ଆନନ୍ଦ ଏଲ ରାୟ । ଅନ୍ୟପଟେ ପ୍ରଥମଥର ସୋନମଙ୍କ ସହ ଏହି ଫିଲ୍ମରେ କାମ କରି ଧନୁଷ ମଧ୍ୟ ସାଉଥ ଫ୍ୟାନ୍ସଙ୍କ ସହ ବଲିଉଡ ଫ୍ୟାନ୍ସଙ୍କୁ ମଧ୍ୟ ନିଜ ଦମଦାର ଅଭିନୟର ପରିଚୟ ଦେଇଥିଲେ ।
