ମୁମ୍ବାଇ: ବଲିଉଡର ଡିଭା ସୋନମ କପୁର ଆହୁଜା ପୁଣି ନିଜ ଜଲୱା ଦେଖାଇବାକୁ ପ୍ରସ୍ତୁତ ହୋଇସାରିଲେଣି । ସେ ଖୁବଶୀଘ୍ର ଏକ ବାସ୍ତବ କାହାଣୀକୁ ନେଇ ପରଦାରେ ନଜର ଆସିବେ । ତାଙ୍କର ଆଗାମୀ ଫିଲ୍ମ ‘ଦ ଜୋୟା ଫ୍ୟାକ୍ଟର’ରେ ଏକ ଏମିତି କାହାଣୀ ଦେଖିବାକୁ ପାଇବେ ଦର୍ଶକ ଯାହା ଏକ ଆଶ୍ଚର୍ଯ୍ୟକର ଘଟଣାକୁ ନେଇ ଆଧାରିତ ।
ଇତିମଧ୍ୟରେ ଫିଲ୍ମ ମେକର୍ସ ଫିଲ୍ମର ଏକ ମୋଶନ ପୋଷ୍ଟର ରିଲିଜ କରିଦେଇଛନ୍ତି । ଏହି ପୋଷ୍ଟରରେ ସୋମନ ଦେବୀ ରୂପରେ ନଜର ଆସିବା ସହ ହାତରେ କ୍ରିକେଟ ବ୍ୟାଟ ଏବଂ ହେଲମେଟ ଧରି ଠିଆ ହୋଇଥିବାର ଦେଖାଯାଉଛନ୍ତି ।
ଏହି ଅବସରରେ ସୋନମ ନିଜ ଟ୍ବିଟରରେ ଫ୍ୟାନ୍ସଙ୍କ ପାଇଁ ମୋଶନ ପୋଷ୍ଟର ସେୟାର କରିଛନ୍ତି । ଆଉ କ୍ୟାପସନରେ ଲେଖିଛନ୍ତି, ‘କାହାକୁ ଦରକାର ଲେମ୍ବୁ ଏବଂ କଞ୍ଚା ଲଙ୍କା । ଯେତେବେଳେ ଆପଣଙ୍କ ପାଖରେ ଜୋୟା ସୋଲାଙ୍କି ଅଛନ୍ତି । ଇଣ୍ଡିଆସ ଲକି ଚାର୍ମ ଏଠାରେ ଅଛନ୍ତି ତୁମ ପାଇଁ ଟେବୁଲ ବୁଲାଇବାକୁ ।’
ପ୍ରକାଶ ଥାଉକି ‘ଦ ଜୋୟା ଫ୍ୟାକ୍ଟର’ କାହାଣୀ ଅନୁଜ ଚୌହାନଙ୍କ ବହିରୁ ନିଆଯାଇଛି । ଜଣେ ଏମିତି ଝିଅ ଯିଏ ସବୁବେଳେ ଇଣ୍ଡିଆନ କ୍ରିକେଟ ଟିମ ପାଇଁ ଲକି ସାବ୍ୟସ୍ତ ହୁଅନ୍ତି । ସେହିପରି ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ଅଭିଷେକ ଶର୍ମା । ସୋନମଙ୍କ ସହ ସାଉଥର ଫେମସ ଅଭିନେତା ଦଲକିର ସଲମାନ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମଟି ଆସନ୍ତା ସେପ୍ଟେମ୍ବର 20ରେ ରିଲିଜ ହେବାକୁ ଯାଉଛି ।
