ମୁମ୍ବାଇ: ବୁଧବାର ବି-ଟାଉନର ମିଷ୍ଟର ପରଫେକ୍ସନିଷ୍ଟ ଆମୀର ଖାନଙ୍କ କୋରୋନା ରିପୋର୍ଟ ପଜିଟିଭ ଆସିଥିଲା । ଯାହା ପରେ ସେ ନିଜକୁ କ୍ବାରେଣ୍ଟାଇନ କରିଥିଲେ । ତାଙ୍କ ପଜିଟିଭ କଥା ଶୁଣି ଚିନ୍ତାରେ ଫ୍ୟାନ୍ସ ଥିବା ବେଳେ ଅଧିକ ଦୁଃଖି ନଜର ଆସୁଛନ୍ତି ବି-ଟାଉନର ଡ୍ରାମା କୁଇନ ରାକ୍ଷୀ ସାୱନ୍ତ । ବର୍ତ୍ତମାନ ତାଙ୍କର ଏକ ଭିଡିଓ ଖୁବ୍ ସୋସିଆଲ ମିଡିଆରେ ଦେଖିବାକୁ ମିଳୁଛି । ଯେଉଁଥିରେ ସେ ଆମୀରଙ୍କ କଥା ଶୁଣି ଚକିତ ହୋଇପଡିଛନ୍ତି ।
- " class="align-text-top noRightClick twitterSection" data="
">
ଫ୍ୟାନକ୍ଲବ ଇନଷ୍ଟାଗ୍ରାମ ପେଜରେ ସେୟାର ହୋଇଥିବା ଭିଡିଓରେ ଯେତେବେଳେ ମିଡିଆ ରାକ୍ଷୀଙ୍କୁ ଜଣାଇଲେ ଯେ ଆମୀର କୋରୋନା ସଂକ୍ରମିତ ହୋଇଛନ୍ତି, ତେବେ ରାକ୍ଷୀ ହଠାତ୍ ଆଶ୍ଚର୍ଯ୍ୟ ହୋଇଗଲେ । ଆଉ କହିଲେ, ‘ହେ ଭଗବାନ ଆମୀରଙ୍କୁ କୋରୋନା । ମତେ ଡର ଲାଗୁଛି । ଆଇ ଲଭ ୟୁ ଆମୀର, ଆଇ ମିସ୍ ୟୁ ।’
ପ୍ରକାଶ ଥାଉକି ଅନେକ ସେଲିବ୍ରିଟିଙ୍କୁ କୋରୋନା ହେବା ଖବର ବର୍ତ୍ତମାନ ଚର୍ଚ୍ଚାରେ । ଆମୀରଙ୍କ ସହ ରଣବୀର କପୁର, ସଞ୍ଜୟ ଲୀଲା ଭଂସାଲୀ ଆଉ ଏବେ ମିଲିନ୍ଦ ସୋମେନଙ୍କୁ କୋରୋନା ହେବା ଖବର ସାମ୍ନାକୁ ଆସିଛି ।
