ଉହାନ: ଚୀନର ହୁବେଇ ପ୍ରାନ୍ତର ରାଜଧାନୀ ଉହାନରେ କୋରୋନାର ଉତ୍ପତ୍ତି ହୋଇଥିବା କୁହାଯାଉଥିବା ବେଳେ ଏଠାରେ ଗତ କିଛି ଦିନ ହେବ ବଢି ଚାଲିଥିଲା କୋରୋନା ଆକ୍ରାନ୍ତଙ୍କ ସଂଖ୍ୟା । ଏହି ଆକ୍ରାନ୍ତଙ୍କଠାରେ ରୋଗର ଲକ୍ଷଣ ଦେଖାଯାଉନଥିବା ବେଳେ ଏହା ଉହାନ ପାଇଁ ଚିନ୍ତାର କାରଣ ପାଲଟିଥିଲା । ଯାହାର ସମାଧାନ ସ୍ବରୂପ ଉହାନରେ 1 ମିଲିୟନ ନ୍ୟୁକ୍ଲିକ ଏସିଡ ଟେଷ୍ଟ କରାଯାଇଛି ।
ଏହି ଟେଷ୍ଟ ଦ୍ବାରା ଦେଖାଯାଇଥିଲା କି ଲକ୍ଷଣବିହୀନ କୋରୋନା ଆକ୍ରାନ୍ତଙ୍କ ସଂଖ୍ୟାରେ ହ୍ରାସ ଘଟିଛି । ଏପ୍ରିଲ ମାସରେ ଏକ ମିଲିୟନ ଲୋକଙ୍କ ମଧ୍ୟରେ 660 ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଏହି ଟେଷ୍ଟ ପରେ ବର୍ତ୍ତମାନ 1 ମିଲିୟନରେ ଆକ୍ରାନ୍ତ ସଂଖ୍ୟା 46କୁ ହ୍ରାସ ପାଇଥିବା ଦେଖାଯାଇଛି । ଏହି ନ୍ୟୁକ୍ଲିକ ଟେଷ୍ଟ ଦ୍ବାରା ଏହା ମଧ୍ୟ ଦେଖିଯାଇଛି କି ଦ୍ବାରା ଆକ୍ରାନ୍ତଙ୍କ ମଧ୍ୟରେ ଲକ୍ଷଣବିହୀନଙ୍କଠାରେ କୋରୋନାର ପ୍ରଭାବ ଅପେକ୍ଷାକୃତ କମ ରହିଥାଏ । ସାଧାରଣ ଚିକିତ୍ସା ଦ୍ବାରା ଏହାର ନିରାକରଣ ହୋଇପାରେ ।
ଗ୍ଲୋବାଲ ଟାଇମ୍ସ ଏହି ଟେଷ୍ଟିଂକୁ ନେଇ କହିଛି କି ଏପ୍ରିଲ ମାସରେ ଦେଖାଯାଇଥିଲା କି 11000 ଲୋକଙ୍କ ମଧ୍ୟରେ 5 ପ୍ରତିଶତ ଲୋକଙ୍କ ଦେହରେ ଆଣ୍ଟିବଡିର ଉପସ୍ଥିତି ଦେଖିବାକୁ ମିଳିଥିଲା । ଏହି ସମାନ ପ୍ରକ୍ରିୟା ଅନୁଯାୟୀ ଉହାନର 11 ମିଲିୟନ ଲୋକଙ୍କ ମଧ୍ୟରୁ 5 ଲକ୍ଷ ଲୋକେ ଆଣ୍ଟିବଡି ସହାୟତାରେ କୋରୋନାର ସଫଳ ମୁକାବିଲା କରିଥିବା କୁହାଯାଇପାରେ । ତେବେ ଉହାନରେ ବର୍ତ୍ତମାନ କୋରୋନା ମୁକାବିଲା ପାଇଁ ସାମୂହିକ ଟେଷ୍ଟିଂ କରାଯାଉଥିବା ନେଇ ସୂଚନା ରହିଛି । ଏହା ମାଗଣାରେ କରାଯାଉଥିବା ବେଳେ ମେ 25ରେ ଶେଷ ହେବା ନେଇ ସୂଚନା ରହିଛି । ମେ 9ରେ ସହରରେ ଗୋଟିଏ ଆକ୍ରାନ୍ତ ଚିହ୍ନଟ ହେବା ପରେ ଏହି ଟେଷ୍ଟିଂ ପାଇଁ ନିର୍ଦ୍ଦେଶ ଦେଇଥିଲେ ସରକାର ।
@IANS
