ୱାଶିଂଟନ: ମାରାତ୍ମକ କୋରୋନା ଭାଇରସ ଯୋଗୁଁ ଚାରିଆଡେ ଲକଡାଉନ । ପର୍ବପର୍ବାଣୀ ଠୁ ଆରମ୍ଭ କରି ଉତ୍ସବ ଆଦି ସବୁକିଛି ଠପ ହୋଇ ଯାଇଛି । ଗତକାଲି ମାତୃତ୍ବ ଦିବସ ଥିବାବେଳେ କ୍ବାରେଣ୍ଟାଇନ ସେଣ୍ଟରରେ ଯେଉଁ ମହିଳାମାନେ ରହୁଛନ୍ତି ସେମାନଙ୍କୁ ଶୁଭେଚ୍ଛା ଜଣାଇଛନ୍ତି ଏକ ଟ୍ରୁପ ।
ଆଣ୍ଟିଗୁଆ କସ୍କାଟଲାନ ପୌରପାଳିକାର ଏକ ହୋଟେଲରେ ମାରିଆଚି ବ୍ୟାଣ୍ଡ ଗୀତ ଗାଇ ପିଆନୋ ବଜାଇ ସମସ୍ତ ମାଆ ମାନଙ୍କୁ ଶୁଭେଚ୍ଛା ଜଣାଇଥିଲେ । ଯାହାକୁ ଦେଖି ମହିଳାମାନେ ଭାବ ବିହ୍ବଳ ହୋଇଯାଇଥିଲେ । ସେମାନଙ୍କ ମଧ୍ୟରେ ସାମାଜିକ ଦୂରତା ଥିଲା । ଆଉ ଏକ ଅଦ୍ଭୁତପୂର୍ବ ଭଲପାଇବା ଦେଖିବାକୁ ମିଳିଥିଲା । ଦୂରତା ସତ୍ତ୍ବେ ବି ଏହି ଗୀତ ଶୁଣି ସମସ୍ତଙ୍କ ଆଖି ଓଦା ହୋଇଯାଇଥିଲା । ସେହି କ୍ବାରେଣ୍ଟାଇନ ସେଣ୍ଟରରେ ପାଖାପାଖି 4000 ମହିଳା ରହୁଛନ୍ତି ବୋଲି ସୂଚନା ରହିଛି ।
ସାଲଭାଡୋରର ରାଷ୍ଟ୍ରପତି ନୟିବ ବୁକେଲେ ଲକଡାଉନକୁ ଅଧିକ କଡାକଡି କରିଛନ୍ତି । କେବଳ ଅତ୍ୟାବଶ୍ୟକ ସାମଗ୍ରୀ ଆଣିବାକୁ ହେଲେ ଲୋକେ ବାହାରକୁ ଯାଉଛନ୍ତି । ରବିବାର ସୁଦ୍ଧା ଏଠାରେ 889 କୋଭିଡ ମାମଲା ଥିବାବେଳେ 17 ଜଣଙ୍କର ମୃତ୍ୟୁ ହୋଇଛି ।
