ମୁମ୍ବାଇ: ବହୁ ପ୍ରତିକ୍ଷିତ ଚଳଚ୍ଚିତ୍ର ' ଅପରେସନ୍ ଭାଲେଣ୍ଟାଇନ' ପାଇଁ ପ୍ରଶଂସକମାନେ ଉତ୍ସାହର ସହ ଅପେକ୍ଷା କରିଛନ୍ତି । ଏହି ଫିଲ୍ମ ଆସନ୍ତା ଫେବୃଆରୀରେ ରିଲିଜ ହେବ । ଏହା ପୂର୍ବରୁ ନିର୍ମାତା ଫିଲ୍ମର ଟିଜର ରିଲିଜ କରିଛନ୍ତି । ଏହି ଫିଲ୍ମରେ ସାଉଥ୍ ସୁପରଷ୍ଟାର ବରୁଣ ତେଜ ଓ ବଲିଉଡ୍ ସୁନ୍ଦରୀ ବାଲା ମାନୁଷୀ ଚିଲ୍ଲାରଙ୍କୁ ଦେଖିବାକୁ ମିଳିବ । ଅଭିନେତା ବରୁଣ ତେଜ ତାଙ୍କର ସୋସିଆଲ ମିଡିଆ ଆକାଉଣ୍ଟରେ ମଧ୍ୟ ଫିଲ୍ମର ଟିଜର ସେୟାର କରିଛନ୍ତି ।
ଅଭିନେତା ବରୁଣ ତେଜ ଇନଷ୍ଟାଗ୍ରାମରେ ଟିଜର ସେୟାର କରି କ୍ୟାପଶନରେ ଲେଖିଛନ୍ତି, ' ବନ୍ଦେମାତରମ...ଏବେ ଯାହା ହେବ ଦେଖାଯିବ, 'ଅପରେସନ୍ ଭାଲେଣ୍ଟାଇନ୍' ପ୍ରଥମ ଷ୍ଟ୍ରାଇକ୍ ବର୍ତ୍ତମାନ ରିଲିଜ ହୋଇସାରିଛି । 16 ଫେବୃଆରୀରେ ତେଲୁଗୁ ଏବଂ ହିନ୍ଦୀରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ପ୍ରସ୍ତୁତ ।' ଟିଜରରେ ପ୍ରମୁଖ ଅଭିନେତା ବରୁଣ ତେଜ ନିଜର ସାନଦାର ଲୁକ୍ ଦେଖାଇଛନ୍ତି । ଟିଜରରେ ଅଭିନେତା କହୁଛନ୍ତି, 'ଆମ ଦେଶ ପାଇଁ ଆମର ଶତ୍ରୁମାନଙ୍କୁ ଏହା ମନେ ପକାଇବା ଗୁରୁତ୍ୱପୂର୍ଣ୍ଣ ଯେ, ଏହି ଦେଶ ଗାନ୍ଧୀଜିଙ୍କ ସହିତ ସୁଭାଷ ଚନ୍ଦ୍ର ବୋଷଙ୍କର ବୋଲି ।' ଏହା ସହିତ 'ବନ୍ଦେ ମାତାରାମ' ଗୀତ ବାଜୁଥିବା ଟିଜରରେ ଶୁଣାଯାଉଛି ।
ଏହା ମଧ୍ୟ ପଢନ୍ତୁ- ୩ ଦିନ ପରେ ପରଦାକୁ ଆସୁଛି 'ସାଲାର', ରିଲିଜ ହେଲା ପ୍ରଭାସଙ୍କ ଫିଲ୍ମର 'ଟ୍ରେଲର ୨'
ପ୍ରକାଶ ଥାଉକି, ଦେଶଭକ୍ତି ପରିପୂର୍ଣ୍ଣ ଏହି ଚଳଚ୍ଚିତ୍ରର କାହାଣୀ ବାୟୁସେନା ହିରୋଜଙ୍କ ଅଦମ୍ୟ ସାହସ ଏବଂ ଦେଶପ୍ରେମକୁ ଏହି ଫିଲ୍ମରେ ପ୍ରକାଶ କରାଯାଇଛି । ଦେଶଭକ୍ତି ପାଇଁ ସେନାମାନଙ୍କୁ ଯେଉଁସବୁ ଅସୁବିଧାର ସମ୍ମୁଖୀନ ହେବାକୁ ପଡ଼ିଥାଏ ତାହା ଏହି ଚଳଚ୍ଚିତ୍ରରେ ଚମତ୍କାର ଭାବରେ ବର୍ଣ୍ଣନା କରାଯାଇଛି । ଚଳଚ୍ଚିତ୍ରର କାହାଣୀ ପ୍ରକୃତ ଘଟଣା ଉପରେ ଆଧାରିତ । ଏହି ଚଳଚ୍ଚିତ୍ରରେ ବରୁଣ ତେଜଙ୍କ ଭୂମିକାର ନାମ ଅର୍ଜୁନ ଦେବ ଯିଏ ଜଣେ ପାଇଲଟ ଏବଂ ମାନୁଶୀ ଚିଲାର ରାଡାର ଅଧିକାରୀ ଭୂମିକାରେ ନଜର ଆସିବେ।
ଫିଲ୍ମ 'ଅପରେସନ୍ ଭାଲେଣ୍ଟାଇନ୍' 2024 ଫେବୃଆରୀ 16ରେ ହିନ୍ଦୀ ଏବଂ ତେଲୁଗୁ ଭାଷାରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ଏହାରି ମଧ୍ୟରେ ବରୁଣ ତେଜଙ୍କ ଓ୍ବାର୍କଫ୍ରଣ୍ଟ୍ କଥା କହିବାକୁ ଗଲେ ଅଭିନେତା 'ମଟକା' ଫିଲ୍ମରେ ମଧ୍ୟ ନଜର ଆସିବେ । ସେହିପରି ମାନୁଷୀ ଆକ୍ସନ୍ ଫିଲ୍ମ 'ତେହେରାନ'ରେ ନଜର ଆସିବେ । ଏହି ଅଭିନେତ୍ରୀଙ୍କ ସହ ଆକ୍ସନ୍ ଷ୍ଟାର୍ ଜୋ ଆବ୍ରାହମ୍ ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ଅଛନ୍ତି ।
