ହାଇଦ୍ରାବାଦ: ଆଜିକାଲି ସୁପରଷ୍ଟାର ସଲମାନ ଖାନ ତାଙ୍କର ରିଲିଜ ହୋଇଥିବା ଆକ୍ସନ୍ ଥ୍ରୀଲର ଫିଲ୍ମ 'ଟାଇଗର 3'କୁ ଦର୍ଶକ ବେଶ ପସନ୍ଦ କରୁଛନ୍ତି । ଓପନିଂ ଦିନଠାରୁ ଫିଲ୍ମ ଭଲ ପ୍ରତିକ୍ରିୟା ପାଉଛି । ତେବେ ନିର୍ମାତା ୟଶରାଜ ଫିଲ୍ମସ୍ ଅନୁଯାୟୀ, ଫିଲ୍ମ ରିଲିଜ ହେବାର ମାତ୍ର ୧୦ ଦିନ ମଧ୍ୟରେ ସାରା ବିଶ୍ବରେ ୪୦୦.୫୦ କୋଟି ଟଙ୍କା ରୋଜଗାର କରି ସଫଳତା ହାସଲ କରିଛି । ସେପଟେ ଭାରତରେ ଫିଲ୍ମର ଆୟରେ ହ୍ରାସ ଘଟିଥିବା ବେଳ କିନ୍ତୁ ଫିଲ୍ମ ୧୨ଦିନ ମଧ୍ୟରେ ୨୫୦କୋଟି କ୍ଲବରେ ସାମିଲ ହୋଇଛି । ଯାହାକୁ ନେଇ ବର୍ତ୍ତମାନ ଖୁସି ଜାହିର କରିଛନ୍ତି ଭାଇଜାନ ।
ନିକଟରେ ଏକ ସାକ୍ଷାତକାରରେ 'ଟାଇଗର ୩'ର ବକ୍ସ ଅଫିସ୍ କଲେକ୍ସନ ବିଷୟରେ କଥାବାର୍ତ୍ତା କରି ସଲମାନ ଖାନ କହିଛନ୍ତି, ଏହା ଦିୱାଲୀ ସମୟ ଥିଲା ଏବଂ ବିଶ୍ବକପ୍ ମଧ୍ୟ ଚାଲିଥିଲା । ତଥାପି ସମସ୍ତଙ୍କ ଫିଲ୍ମ ଉପରେ ଆଗ୍ରହ ଥିଲା । ଦିୱାଲୀ, ବିଶ୍ୱକପ୍ ସତ୍ତ୍ୱେ ଆମେ ପାଇଥିବା ସଂଖ୍ୟା ଆଶ୍ଚର୍ଯ୍ୟଜନକ ଅଟେ । ଏଥିପାଇଁ ଆମେ ବହୁତ କୃତଜ୍ଞ ଏବଂ ଖୁସି ।
ସେପଟେ ଫିଲ୍ମର କଲେକ୍ସନ ବିଷୟରେ କହିବାକୁ ଗଲେ, ସାକ୍ନିକଙ୍କ ରିପୋର୍ଟ ଅନୁସାରେ, ୧୨ ଦିନରେ ଫିଲ୍ମର କେଲକ୍ସନ ବହୁତ କମ ରହିଥିଲା । ଏହା ୧୨ ଦିନ ଅର୍ଥାତ୍ ୨ୟ ଗୁରୁବାର ଦିନ ମାତ୍ର ୪.୭୦ କୋଟି ଆୟ କରିଛି । ଏହା ପରେ ବି କିନ୍ତଦୁ ଫିଲ୍ମ ୨୫୦ କୋଟି କ୍ଲବରେ ସାମିଲ ହୋଇଛି । ତେବେ ଫିଲ୍ମର ମୋଟ ଆୟ ୨୫୪.୪୬ କୋଟିକୁ ବୃଦ୍ଧି ପାଇଛି ।
ଟାଇଗର ୩: ବକ୍ସ ଅଫିସ କଲେକ୍ସନ
- ପ୍ରଥମ ଦିନ (ନଭେମ୍ବର ୧୨, ରବିବାର)- ୪୪.୫ କୋଟି
- ୨ୟ ଦିନ (ନଭେମ୍ବର ୧୩, ସୋମବାର)- ୫୯.୨୫ କୋଟି
- ୩ୟ ଦିନ (ନଭେମ୍ବର ୧୪, ମଙ୍ଗଳବାର)-୪୪.୩ କୋଟି
- ୪ର୍ଥ ଦିନ (ନଭେମ୍ବର ୧୫, ବୁଧବାର)- ୨୧.୧ କୋଟି
- ୫ମ ଦିନ (ନଭେମ୍ବର ୧୬, ଗୁରୁବାର)- ୧୮.୫ କୋଟି
- ୬ଷ୍ଠ ଦିନ (ନଭେମ୍ବର ୧୭, ଶୁକ୍ରବାର)- ୧୩.୨୫ କୋଟି
- ୭ମ ଦିନ (ନଭେମ୍ବର ୧୮, ଶନିବାର)- ୧୮.୫ କୋଟି
- ୮ମ ଦିନ (ନଭେମ୍ବର ୧୯, ରବିବାର)- ୧୦.୫ କୋଟି
- ୯ମ ଦିନ (ନଭେମ୍ବର ୨୦, ସୋମବାର)- ୭.୩୫ କୋଟି
- ୧୦ମ ଦିନ (ନଭେମ୍ବର ୨୧, ମଙ୍ଗଳବାର)- ୬.୭ କୋଟି
- ୧୧ତମ ଦିନ (ନଭେମ୍ବର ୨୨, ବୁଧବାର)- ୫.୮୧ କୋଟି
- ୧୨ତମ ଦିନ (ନଭେମ୍ବର ୨୩, ଗୁରୁବାର)- ୪.୭୦ କୋଟି
ଫିଲ୍ମର ମୋଟ କଲେକ୍ସନ ୨୫୪.୪୬ କୋଟିକୁ ବୃଦ୍ଧି
ଏହା ମଧ୍ୟ ପଢନ୍ତୁ: ଫ୍ୟାନ୍ସଙ୍କୁ ଗୁଡ ନ୍ୟୁଜ ଦେଲେ ଭାଇଜାନ
'ଟାଇଗର' 'ବିଷୟରେ କହିବାକୁ ଗଲେ, ୟଶରାଜ ସ୍ପାଏ ୟୁନିଭର୍ସର ବ୍ୟାନରରେ ନିର୍ମିତ ଟାଇଗର ଫ୍ରାଞ୍ଚାଇଜର ଏହା ହେଉଛି ତୃତୀୟ ସିକ୍ୱେଲ । ଏହା ପୂର୍ବରୁ ଏହାର ପ୍ରଥମ ଭାଗ କବୀର ଖାନ ନିର୍ଦ୍ଦେଶିତ 'ଏକ ଥା ଟାଇଗର' ୨୦୧୨ରେ ମୁକ୍ତିଲାଭ କରିଥିଲା । ୨ୟ ଭାଗ ଅଲି ଅବ୍ବାସ ଜାଫର ନିର୍ଦ୍ଦେଶିତ 'ଟାଇଗର ଜିନ୍ଦା ହେ' ୨୦୧୭ରେ ମୁକ୍ତିଲାଭ କରିଥିଲା । ଟାଇଗର ଫ୍ରାଞ୍ଚାଇଜର ସିକ୍ୱେଲ ହିସାବରେ ବର୍ତ୍ତମାନ 'ଟାଇଗର 3' ୫ ବର୍ଷ ପରେ ପ୍ରେକ୍ଷାଳୟରେ ରିଲିଜ ହୋଇଛି । ଟାଇଗର ୩ କୁ ମନୀଷ ଶର୍ମା ନିର୍ଦ୍ଦେଶନା ଦେଇଛନ୍ତି । ଏଥିରେ କ୍ୟାଟ୍ରିନା କୈଫଙ୍କୁ ସଲମାନ ଖାନଙ୍କୁ ପୁଣି ଅବିନାଶ ସିଂ ରାଠୋର ଏବେ ଜୟା ଭୂମିକାରେ ଦେଖିବାକୁ ମିଳିଛି । ଏଥିସହ ଫିଲ୍ମରେ ଇମ୍ରାନ ହାଶମୀଙ୍କୁ ଖଳନାୟକ ଭୂମିକାରେ ଦେଖିବାକୁ ମିଳିଛି ।
