ହାଇଦ୍ରାବାଦ: ଆଜିକାଲି ଡେଟିଂକୁ ନେଇ ଶିରୋନାମାରେ ରହିଛନ୍ତି ବଲିଉଡ ଅଭିନେତା ଆଦିତ୍ୟ ରୟ କପୁର ଏବଂ ଅଭିନେତ୍ରୀ ଅନନ୍ୟା ପାଣ୍ଡେ । ଏହି ଲଭବାର୍ଡ ବର୍ତ୍ତମାନ ପର୍ତ୍ତୁଗାଲରେ ଛୁଟି ସମୟ ବିତାଉଛନ୍ତି । ସେଠାରୁ ଉଭୟଙ୍କ ଅନେକ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ଦୀର୍ଘ ଦିନ ଧରି ଉଭୟଙ୍କ ସମ୍ପକ ନେଇ ରୁମର ହେଉଥିଲା । ତେବେ ବର୍ତ୍ତମାନ ଭ୍ୟାକେସନର ଫଟୋ ଉଭୟଙ୍କ ସମ୍ପର୍କ ଉପରେ ମୋହର ଲଗାଇଥିବା ଚର୍ଚ୍ଚା ହେଉଛି ।
ଭାଇରାଲ ଫଟୋରେ ପର୍ତ୍ତୁଗାଲର ଏକ ରେଷ୍ଟୁରାଣ୍ଟରେ ଆଦିତ୍ୟ ଏବଂ ଅନନ୍ୟା କଥାବାର୍ତ୍ତା ହେଉଥିବା ଦେଖିବାକୁ ମିଳିଛି । କଥାବାର୍ତ୍ତା ବେଳେ ଦୁହେଁ ବେଶ ଖୁସି ଥିବା ନଜର ଆସିଛନ୍ତି । ଆଦିତ୍ୟ ଏବଂ ଅନନ୍ୟାଙ୍କର ଏହି ଫଟୋକୁ ପ୍ରଶଂସକମାନେ ବହୁତ ପସନ୍ଦ କରୁଛନ୍ତି । ଆଦିତ୍ୟ ବ୍ଲୁ' ରଙ୍ଗର ସାର୍ଟ ପିନ୍ଧିଥିବା ବେଳେ ଅନନ୍ୟାଙ୍କୁ ମେରୁନ୍ ରଙ୍ଗର ଆଉଟଫିଟରେ ଦେଖିବାକୁ ମିଳିଛି । ତେବେ ପୂର୍ବରୁ ମଧ୍ୟ ଉଭୟଙ୍କ ଏକ ଫଟୋ ଭାଇରାଲ ହୋଇଥିଲା ।
ସୂଚନା ଥାଉ କି, ଆଦିତ୍ୟ ଅନନ୍ୟା ପୂର୍ବରୁ ସ୍ପେନ୍ରେ ବୁଲୁଥିବାର ବି ନଜର ଆସିଥିଲେ । ଫଟୋରେ ଆଦିତ୍ୟ ଅନନ୍ୟାଙ୍କୁ ହଗ୍ କରିଥିବାର ନଜର ଆସିଥିଲେ । ଏଥିସହ ଉଭୟ ଏକ ମ୍ୟୁଜିକ କନ୍ସର୍ଟରେ ମଧ୍ୟ ଉଭୟ ଉପଭୋଗ କରିଥିଲେ । ଗତ ବର୍ଷ କ୍ରିତି ସାନନଙ୍କ ଦିୱାଲି ପାର୍ଟୀରେ ଦୁହେଁ ଏକାଠି ନଜର ଆସିଥିବା ବେଳେ ଆଦିତ୍ୟ ଏବଂ ଅନନ୍ୟାଙ୍କ ଡେଟିଂ ଖବର ସାମ୍ନାକୁ ଆସିଥିଲା । ସେବେଠାରୁ ଉଭୟଙ୍କୁ ଅନେକ ଥର ଏକାଠି ଦେଖିବାକୁ ମିଳିଥିଲା ।
ଏହା ମଧ୍ୟ ପଢନ୍ତୁ: ଆଦିତ୍ୟ ରୟଙ୍କ ସହ ଅନ୍ ସ୍କ୍ରିନ୍ ରୋମାନ୍ସ କରିବେ ସାରା
ଅନ୍ୟନ୍ୟାଙ୍କ ୱାର୍କ୍ଫ୍ରଣ୍ଟ କଥା କହିବାକୁ ଗଲେ, ଅନନ୍ୟା ଖୁବଶୀଘ୍ର ଡ୍ରିମ୍ଗାର୍ଲ-2ରେ ନଜର ଆସିବେ । ଏହି ଫିଲ୍ମରେ ସେ ବଲିଉଡ ଅଭିନେତା ଆୟୁଷ୍ମାନ ଖୁରାନାଙ୍କ ବିପକ୍ଷରେ ନଜର ଆସିବେ । ଏଥିସହ ଚଳଚ୍ଚିତ୍ର 'ଖୋ ଗଏ ହମ କାହାଁ' ମଧ୍ୟ ଅଭିନେତ୍ରୀ ନଜର ଆସିବେ । ଅନନ୍ୟା ୱେବ୍ ସିରିଜ୍ 'କଲ୍ ମି ବେ'ରେ ବି ନଜର ଆସିବେ । ସେହିପରି ଆଦିତ୍ୟଙ୍କ କଥା କହିବାକୁ ଗଲେ ଆଦିତ୍ୟ ଥ୍ରୀଲର ୱେବ୍ ସିରିଜ 'ଦ ନାଇଟ୍ ମ୍ୟାନେଜର' ଏବଂ କ୍ରାଇମ ଥ୍ରୀଲର ଫିଲ୍ମ 'ଗୁମରା'ରେ ନଜର ଆସିଛନ୍ତି । ଖୁବଶୀଘ୍ର ଅନୁରାଗ ବସୁଙ୍କ ନିର୍ଦ୍ଦେଶିତ ଫିଲ୍ମ 'ମେଟ୍ରୋ ଇନ୍ ଦିନୋ'ରେ ନଜର ଆସିବେ । ଆଦିତ୍ୟ ରୟଙ୍କ ସହ ଅନ୍ ସ୍କ୍ରିନ୍ ରୋମାନ୍ସ କରିବେ ସାରା । ଏହି ଚଳଚ୍ଚିତ୍ରର ନିର୍ମାତା ହେଉଛନ୍ତି ଭୂଷଣ କୁମାର, ଅନୁରାଗ ବସୁ ଓ କୃଷ୍ଣ କୁମାର ।
