ହାଭେରି: କର୍ଣ୍ଣାଟକର ଏକ ସିନେମା ହଲରେ ଫିଲ୍ମର ଶୋ’ ସମୟରେ ଯୁକ୍ତି ତର୍କ ପରେ ଗୁଳି ବିନିମୟ ହୋଇଥିଲା। ଏହି ଗୁଳି ବିନିମୟରେ ଜଣେ ଯୁବକ ଆହତ ହୋଇଥିବା କୁହାଯାଉଛି । କର୍ଣ୍ଣାଟକର ହାଭେରି ଜିଲ୍ଲାର ଶିଗାଓଁ ଅଞ୍ଚଳରେ ସାମାନ୍ୟ ଝଗଡା ପରେ ଜଣେ ବ୍ୟକ୍ତି ଗୁଳି ଚଳାଇଥିଲେ ।
ଖବର ଅନୁଯାୟୀ, ଯୁବକ ଜଣକ ବର୍ତ୍ତମାନ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ଯେତେବେଳେ ଏହି ଘଟଣା କର୍ଣ୍ଣାଟକର ଶିଗାଓଁର ସିନେମା ହଲରେ ଘଟିଥିଲା, ସେହି ସମୟରେ KGF 2 ଚଳଚ୍ଚିତ୍ର (ତାମିଲ ସଂସ୍କରଣ) ପାଇଁ ଦର୍ଶକଙ୍କ ଭିଡ ଜମିଥିଲା ।
ମିଳିଥିବା ସୂଚନାନୁସାରେ, ଗୁଳି ବିନିମୟରେ ଆହତ ଯୁବକ ଜଣକ ହେଉଛନ୍ତି 28 ବର୍ଷୀୟ ବସନ୍ତ କୁମାର ଶିବପୁର । ଏହି ଘଟଣା ପରେ ତାଙ୍କୁ ହୁବଲ୍ଲିର କିମସ୍ ହସ୍ପିଟାଲରେ ଭର୍ତ୍ତି କରାଯାଇଥିଲା । ଯେଉଁଠାରେ ବର୍ତ୍ତମାନ ତାଙ୍କ ଅବସ୍ଥା ବିପଦମୁକ୍ତ ଅଛି ବୋଲି କୁହାଯାଉଛି। ପୋଲିସ ଏହି ଘଟଣାରେ ଏକ ମାମଲା ରୁଜୁ କରିବା ସହିତ ଅଭିଯୁକ୍ତଙ୍କ ତଲାସି ଆରମ୍ଭ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
