ହାଇଦ୍ରାବାଦ: ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନ ପୁଷ୍ପା ଦ ରାଇଜ ପରେ ପୁଷ୍ପା ଦ ରୁଲ ସହ ଧମାକା କରିବାକୁ ଯାଉଛନ୍ତି । ଅଭିନେତା ଏହି ଫିଲ୍ମର ସୁଟିଂ ଆରମ୍ଭ କରିଦେଇଛନ୍ତି । ଫିଲ୍ମରୁ ଅଲ୍ଲୁଙ୍କ ପ୍ରଥମ ଲୁକ ମଧ୍ୟ ସାମ୍ନାକୁ ଆସିଛି । ତେବେ ବର୍ତ୍ତମାନ ଅଭିନେତା ପୁଷ୍ପା 2ର ସୁଟିଂ ଆରମ୍ଭ କରିବା ପୂର୍ବରୁ କିପରି ନିଜ ଦିନ ଆରମ୍ଭ କରିଛନ୍ତି ତାହାର ଝଲକ ଦେଖାଇଛନ୍ତି । ସୋସିଆଲ ମିଡିଆରେ ଅଲ୍ଲୁ ଅର୍ଜୁନ ଭିଡିଓ ସେୟାର କରିଛନ୍ତି ।
ଅଲ୍ଲୁ ଅର୍ଜୁନ ନିଜ ଇନଷ୍ଟାଗ୍ରାମରେ ପ୍ରାୟ 3 ମିନିଟର ଏକ ସ୍ବତନ୍ତ୍ର ଭିଡିଓ ସେୟାର କରିଛନ୍ତି । ଭିଡିଓରେ ସେ ନିଜ ଦିନର ଆରମ୍ଭ କରିଛନ୍ତି ତାହାର ଝଲକ ଦେଖାଇଛନ୍ତି । ଏଥିସହ ଅଭିନେତା ନିଜ ପୁଷ୍ପା 2 ସୁଟିଂ ସେଟର ଆକ୍ସନ ଠାରୁ ଆରମ୍ଭ କରି ପ୍ୟାକ୍ ଅପ ପର୍ଯ୍ୟନ୍ତର ଝଲକ ମଧ୍ୟ ଦେଖାଇଛନ୍ତି । ପୁଷ୍ପା 2 ସୁଟିଂ ହାଇଦ୍ରାବାଦ ସ୍ଥିତ ରାମୋଜି ଫିଲ୍ମ ସିଟିରେ ହୋଇଛି । ଭିଡିଓରେ ନିଜର ଦିନର ଆରମ୍ଭ ପରେ ରମୋଜିରେ ଏଣ୍ଟ୍ରି କରି ପ୍ରଥମେ ଫ୍ୟାନ୍ସଙ୍କୁ ମିଶୁଥିବାର ଦେଖିବାକୁ ମିଳିଛି । ଏହା ପରେ ସେ ସେଟକୁ ଯାଇ ପୁଷ୍ପା ଲୁକରେ ନିଜକୁ ପ୍ରସ୍ତୁତ କରାନ୍ତି ଅଲ୍ଲୁ । ପରେ ଫିଲ୍ମ ନିର୍ଦ୍ଦେଶକ ସୁକୁମାର ସେଟରେ ପହଞ୍ଚି ଅଲ୍ଲୁଙ୍କ ସହ କଥାବାର୍ତ୍ତା କରି ସୁଟିଂ ବିଷୟରେ କୁହନ୍ତି।
ଭିଡିଓରେ ଏହା ମଧ୍ୟ ଦେଖିବାକୁ ମିଳିଛି ଯେ, ଅଲ୍ଲୁ କହୁଛନ୍ତି, ଫିଲ୍ମ ସୁଟିଂ ସମୟର ଅନୁଭବ ବଖାଣିଥିବା ବେଳେ ସୁକୁମାର ମଧ୍ୟ ଅଲ୍ଲୁଙ୍କ କାମ କରିବାର ଅଭିଜ୍ଞତା ସେୟାର କରିଛନ୍ତି । ସେପଟେ ଏହି ଭିଡିଓ ସେୟାର ହେବାମାତ୍ର ଫ୍ୟାନ୍ସ ଏହାକୁ ଲାଇକ କରିଛନ୍ତି । ପ୍ରତିକ୍ରିୟାରେ ଫିଲ୍ମକୁ ନେଇ ଉତ୍ସାହିତ ଥିବା କହିଛନ୍ତି । ସୂଚନା ଥାଉ କି, ପୁଷ୍ପା 2 22 ମାର୍ଚ୍ଚ 2024ରେ ମୁକ୍ତିଲାଭ କରିବ । ତେବେ ଫିଲ୍ମର ରିଲିଜ୍ ତାରିଖ ସମ୍ପର୍କରେ ନିର୍ମାତାମାନେ କୌଣସି ସରକାରୀ ଘୋଷଣା କରିନାହାଁନ୍ତି । ଯଦି ରିପୋର୍ଟ ଗୁଡିକ ବିଶ୍ବାସ କରାଯାଏ ତେବେ ଫିଲ୍ମର ସୁଟିଂ କିଛି ସପ୍ତାହ ମଧ୍ୟରେ ଶେଷ ହେବାକୁ ଯାଉଛି ଏବଂ ଫିଲ୍ମର ନିର୍ମାତାମାନେ ପୋଷ୍ଟ ପ୍ରଡକ୍ସନ ସିଡ୍ୟୁଲ ପାଇଁ ଯୋଜନା କରୁଛନ୍ତି ।
ଏହା ମଧ୍ୟ ପଢନ୍ତୁ: ଆସିଲା ରିଲିଜ ତାରିଖ, ସିନେମା ହଲରେ ନଜର ଆସିବେ ପୁଷ୍ପା
ପ୍ରକାଶ ଥାଉ କି, ନିକଟରେ 69ତମ ଜାତୀୟ ଫିଲ୍ମ ପୁରସ୍କାର 2021ର ଘୋଷଣା ହୋଇଥିଲା। ଯେଉଁଥିରେ ଅଲ୍ଲୁ ଅର୍ଜୁନଙ୍କୁ ଶ୍ରେଷ୍ଠ ଅଭିନେତା ଭାବେ ମନୋନୀତ କରାଯାଇଛି। ପୁଷ୍ପା ଦ ରାଇଜ ପାଇଁ ଅଭିନେତାଙ୍କୁ ଏହି ପୁରସ୍କାର ପାଇଁ ପ୍ରଦାନ କରାଯିବ। ଫିଲ୍ମ ବିଷୟରେ କହିବାକୁ ଗଲେ ‘ପୁଷ୍ପା: ଦ ରାଇଜ୍’ ସାରା ବିଶ୍ୱରେ 400 କୋଟିରୁ ଅଧିକ କଲେକ୍ସନ କରିଥିଲା। ହିନ୍ଦୀ ଭାଷାରେ ମଧ୍ୟ ଏହି ଚଳଚ୍ଚିତ୍ରକୁ ବହୁତ ପସନ୍ଦ କରାଯାଇଥିଲା । ଚଳଚ୍ଚିତ୍ରର ସଫଳତାକୁ ଦେଖି ଏହାର ଦ୍ୱିତୀୟ ଭାଗରେ ମଧ୍ୟ କଠିନ ପରିଶ୍ରମ କରାଯାଉଛି ଏବଂ ଏହା ମଧ୍ୟ ଧମାକା କରିବ ବୋଲି ଆଶା କରାଯାଉଛି।
