ଲୋକପ୍ରିୟ ଗୀତିକାର ନାସିର ଫରାଜଙ୍କ ପରଲୋକ

ଆଉ ନାହାନ୍ତି ବଲିଉଡର ପ୍ରସିଦ୍ଧ ଗୀତିକାର ନାସିର ଫରାଜ । ହୃଦଘାତରେ ତାଙ୍କର ପରଲୋକ ହୋଇଥିବା ସୂଚନା ମିଳିଛି । ଅଧିକ ପଢନ୍ତୁ

ମୁମ୍ବାଇ: ବର୍ଷ 2023 ଆରମ୍ଭରୁ ବଲିଉଡ ଜଗତକୁ ଏକ ବଡ ଝଟକା ଲାଗିଛି । ପ୍ରସିଦ୍ଧ ଗୀତିକାର ନାସିର ଫରାଜଙ୍କ ପରଲୋକ ହୋଇଛି । ବଲିଉଡ ପାଇଁ ଅନେକ ସୁପରହିଟ ଗୀତ ଲେଖିଥିବା ନାସିର ଫରାଜଙ୍କର ହୃଦଘାତଜନିତ ମୃତ୍ୟୁ ହୋଇଛି । ନାଜିରଙ୍କ ବନ୍ଧୁ ଅଜିଜ ନାଜା ତାଙ୍କ ବିୟୋଗ ହୋଇଥିବା ନେଇ ସୂଚନା ଦେଇଛନ୍ତି ।

ବଲିଉଡ ପାଇଁ ଅନେକ ହିଟ ଗୀତ ଲେଖିଥିବା ନାସିର ହୃଦ୍‌ରୋଗରେ ପୀଡିତ ଥିଲେ । ନାସିର ବଲିଉଡ ଫିଲ୍ମ ଇଣ୍ଡଷ୍ଟ୍ରି ପାଇଁ ଏକାଧିକ ଗୀତ ଲେଖିଛନ୍ତି । ତାଙ୍କର ପ୍ରତିଟି ଶଦ୍ଦକୁ ନେଇ ଲେଖା ଗୀତ କଣ୍ଠଶିଳ୍ପୀଙ୍କ ଦ୍ବାରା ଲୋକଙ୍କ ହୃଦୟରେ ପହଞ୍ଚି ପାରୁଥିଲା । ସେ ଦୀର୍ଘ ଦିନ ହେବ ଏକ ଗୁରୁତର ରୋଗରେ ପଡି ଜୀବନ ସହ ସଂଗ୍ରାମ କରୁଥିଲେ । ତାଙ୍କର ହୃଦ୍‌ ସମସ୍ୟା ରହିଥିଲା । ରବିବାର ତାଙ୍କ ସ୍ବାସ୍ଥ୍ୟାବସ୍ଥା ବିଗିଡିଥିଲା । ଛାତିରେ ଅସହ୍ୟ ଯନ୍ତ୍ରଣା ହୋଇଥିଲା । ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ରବିବାର ବିଳମ୍ବିତ ରାତିରେ ତାଙ୍କର ବିୟୋଗ ହୋଇଛି । ସୋମବାର ମୁମ୍ବାଇର ନାଲାସୋପାରା ଶ୍ମସାନରେ ତାଙ୍କର ଶେଷକୃତ୍ୟ ସମ୍ପର୍ଣ୍ଣ ହୋଇଛି ।

ନାସିରଙ୍କ ବନ୍ଧୁ ଅଜିଜ ନାଜ ସୋସିଆଲ ମିଡିଆରେ ନାସିରଙ୍କ କିଛି ଫଟୋ ସେୟାର କରି ଶୋକ ପ୍ରକାଶ କରିଛନ୍ତି । ସେ ଲେଖିଛନ୍ତି, ''ଆଜି ନାସିର ଫରାଜ ଆମ ଗହଣରେ ନାହାନ୍ତି । ଭାରତୀୟ ଫିଲ୍ମ ଇଣ୍ଡଷ୍ଟ୍ରିରେ ଜଣେ ପ୍ରସିଦ୍ଧ ଗୀତିକାର ଭାବେ ତାଙ୍କ ପରିଚୟ ଥିଲା । ବାଜିରାଓ ମସ୍ତାନୀରେ ଆମେ ଏକାଠୀ କାମ କରିଛୁ । ସେ ମୋ ପାଇଁ ବନ୍ଧୁ ଥିଲା । ଭଗବାନ ତାଙ୍କ ଆତ୍ମାକୁ ସଦଗତି ଦିଅନ୍ତୁ ।''

2010ରେ ମୁକ୍ତିଲାଭ କରିଥିବା ଫିଲ୍ମ 'କାଇଟ୍ସ'ର ଦୁଇଟି ସୁପରହିଚ ଗୀତ 'ଦିଲ କ୍ୟୁଁ ମେରା ସୋର କରେ' 'ଜିନ୍ଦେଗୀ ଦୋ ପଲ କି' ଲେଖିଥିଲେ । ଏହା ଛଡା ବାଜିରାଓ ମସ୍ତାନୀ, କ୍ରିସ, କାବିଲ ଓ ଏତବାର ଭଳି ବଲିଉଡ ଚଳଚ୍ଚିତ୍ର ପାଇଁ ମଧ୍ୟ ଗୀତ ଲେଖିଛନ୍ତି ନାସିର ଫରାଜ । ନାସିର ଏକାଧାରରେ ଜଣେ ସଙ୍ଗୀତକାର ଓ ସଙ୍ଗୀତ ନିର୍ଦ୍ଦେଶକ ମଧ୍ୟ ଥିଲେ ।