ହାଇଦ୍ରାବାଦ: ଅର୍ଜୁନ କପୁର ଏବଂ ମଲାଇକା ଆରୋରା ବଲିଉଡର ଚର୍ଚ୍ଚିତ ଲଭବାର୍ଡ । ଉଭୟ ସର୍ବସାଧାରଣରେ ନିଜର ପ୍ରେମ ବ୍ୟକ୍ତ କରି ସାରିଛନ୍ତି । ଯେଉଁଠାରେ ପୂର୍ବରୁ ଏହି ଦମ୍ପତି ଲୁଚି ଛପି ପରସ୍ପରର ପୋଷ୍ଟ ଦେଖୁଥିଲେ, ଏବେ ସେମାନେ ଏକାଠି ସୋସିଆଲ ମିଡିଆରେ ଫଟୋ ସେୟାର କରୁଛନ୍ତି । ବର୍ତ୍ତମାନ ଦୁହେଁ ସୋସିଆଲ ମିଡିଆ ଆକାଉଣ୍ଟରେ ପରସ୍ପରର ଫଟୋ ମଧ୍ୟ ଅପଲୋଡ କରୁଛନ୍ତି । ନିକଟରେ ମଲାଇକା ପ୍ୟାରିସରେ ଅର୍ଜୁନ କପୁରଙ୍କ ଜନ୍ମଦିନ ପାଳନ କରିଥିଲେ। ଏହି ଦମ୍ପତି ଜନ୍ମଦିନ ଉତ୍ସବର ଫଟୋ ମଧ୍ୟ ସୋସିଆଲ ମିଡିଆରେ ସେୟାର କରିଥିଲେ। ବର୍ତ୍ତମାନ ଅର୍ଜୁନ ତାଙ୍କ ଲେଡି ଲଭ୍ ସହିତ ଆଉ ଏକ ଫଟୋ ସେୟାର କରିଛନ୍ତି ।
- " class="align-text-top noRightClick twitterSection" data="
">
ଅର୍ଜୁନ କପୁର ଲେଡି ଲଭ୍ ମଲାଇକା ଆରୋରାଙ୍କ ସହ ଏକ ସେଲଫି ସେୟାର କରିଛନ୍ତି। ଫଟୋ ସେୟାର କରି ଲେଖିଛନ୍ତି, 'A Selfie with the Shopaholic 😈😋😎 !!!ଫଟୋରେ ମଲାଇକା-ଅର୍ଜୁନ ବହୁତ ସୁନ୍ଦର ଏବଂ ଷ୍ଟାଇଲିସ୍ କ୍ଲାସି ଲୁକ୍ରେ ନଜର ଆସିଛନ୍ତି । କଳା ପ୍ୟାଣ୍ଟ ଏବଂ ନୀଳ ଟି-ସାର୍ଟରେ ଅର୍ଜୁନ ମସ୍ତ ଦେଖାଯାଉଥିବାବେଳେ ମଲାଇକା ସବୁଜ ରଙ୍ଗର ବ୍ଲେଜର ଏବଂ ସର୍ଟରେ ଜବରଦସ୍ତ ଦେଖାଯାଉଛନ୍ତି।
ଏହି ଦମ୍ପତିଙ୍କର ସୁନ୍ଦର ଅନ୍ଦାଜକୁ ଦେଖି ପ୍ରଶଂସକମାନେ ମଧ୍ୟ ପାଗଳ ହୋଇଯାଇଛନ୍ତି ଏବଂ କମେଣ୍ଟ ବକ୍ସରେ ଲାଲ୍ ହୃଦୟ ଇମୋଜି ସେୟାର କରୁଛନ୍ତି । ଫଟୋକୁ ଦେଖିଲେ ଲାଗୁଛି ଯେ ଦୁହେଁ ଏକ ସପିଂ ରୁମରେ ବସିଛନ୍ତି । ଫଟୋର ବ୍ୟାକଗ୍ରାଉଣ୍ଡରେ ଅନେକ ଜିନିଷ ଦୃଶ୍ୟମାନ ହେଉଛି, ଯେଉଁଥିରୁ ଅନୁମାନ କରାଯାଉଛି ଯେ ଦୁହେଁ ଏକାଠି ସପିଂ କରିବା ସମୟରେ ଏହି ସେଲଫି ନେଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
