ମୁମ୍ବାଇ: ବଲିଉଡ ଅଭିନେତ୍ରୀ ଆଲିଆ ଭଟ୍ଟ ଏବଂ ରଣବୀର କପୁରଙ୍କ ବିବାହ ପରେ ଏବେ ଉଭୟଙ୍କ ନୂଆ ନୂଆ ଫଟୋ ସାମ୍ନାକୁ ଆସୁଛି । ବିବାହ ପରେ ଇନଷ୍ଟାଗ୍ରାମରେ ପ୍ରଥମ ପୋଷ୍ଟ କରିଛନ୍ତି ଆଲିଆ । ଗତକାଲି ସେ ତାଙ୍କ pet ବିଲେଇ ସହ ଏକ ଫଟୋ ସେୟାର କରିଛନ୍ତି । ଫଟୋଟିରେ ଆଲିଆ ବ୍ରାଇଡାଲ ଲୁକରେ ସୁନ୍ଦର ଦେଖାଯାଉଥିବାବେଳେ ତାଙ୍କ ପୋଷା ବିଲେଇ ଏଡୱାର୍ଡକୁ ହାତରେ ଧରି ବେଶ ଖୁସି ଥିବା ଦେଖିବାକୁ ମିଳିଛି । ଫଟୋଟି ସେୟାର କରି ସେ କ୍ୟାପସନରେ 'CAT OF HONOUR' ଲେଖିଛନ୍ତି ।
ଏଥିରେ ସେ ଆଉ ଏକ ଫଟୋ ମଧ୍ୟ ସେୟାର କରିଛନ୍ତି, ଯେଉଁଥିରେ ସେ ହାତ ଆଙ୍ଗୁଠିରେ ଏକ ଡାଇମଣ୍ଡ ରିଙ୍ଗ ପିନ୍ଧିବା ଦେଖିବାକୁ ମିଳିଛି । ଯାହା ଦେଖିବାକୁ ଖୁବ ସୁନ୍ଦର ଲାଗୁଛି । ତେବେ ଆଉ ଏକ ଫଟୋରେ ଆଲିଆ ବସିଥିବାର ନଜର ଆସିଛନ୍ତି ।
ଏପ୍ରିଲ ୧୪ରେ ପରିବାର ସଦସ୍ୟ, ଘନିଷ୍ଠ ବନ୍ଧୁ ଏବଂ ବଲିଉଡର କିଛି ସେଲିବ୍ରିଟିଙ୍କ ଉପସ୍ଥିତିରେ ରଣବୀର କପୁର ଏବଂ ଆଲିଆ ଭଟ୍ଟଙ୍କ ବିବାହ ଉତ୍ସବ ସମସ୍ତ ରୀତିନୀତି ସହ ପୁରା ହୋଇଛି ।
