ରାଉରକେଲା : ରାଉରକେଲା ବିଶ୍ରା ଛକରେ ଗୋ ଚାଲାଣକୁ ନେଇ ଉତ୍ତେଜନା । ଏହି ଘଟଣାରେ ପୋଲିସ ଜଣଙ୍କୁ ଅଟକ ରଖି ପଚରାଉଚରା ଜାରି ରଖିଛି । ସୂଚନା ଅନୁସାରେ, ଏକ ପିକଅପ ଭ୍ୟାନରେ ଗୋ ଚାଲାଣ ହେଉଥିବା ଖବର ପାଇ ଗୋ ରକ୍ଷକ ସଂସ୍ଥାର ସଦସ୍ୟମାନେ ଭ୍ୟାନକୁ ଅଟକାଇ ଥିଲେ । ଭ୍ୟାନରୁ 11ଟି ଗୋରୁକୁ ଉଦ୍ଧାର କରିଥିଲେ । ଗୋ ଚାଲାଣକୁ କେନ୍ଦ୍ରକରି ଉଭୟ ପକ୍ଷ ମଧ୍ୟରେ ବଚସା ହେବା ପରେ ଉତ୍ତେଜନା ସୃଷ୍ଟି ହୋଇଥିଲା । ଫଳରେ ଗୋ ରକ୍ଷକ ସଦସ୍ୟମାନେ ଭ୍ୟାନକୁ ଭଙ୍ଗାରୁଜା କରିଥିଲେ ।
ଗୋ ଚାଲାଣକୁ ନେଇ ଉତ୍ତେଜନା, ଜଣେ ଅଟକ
ଖବରପାଇ ପ୍ଲାଣ୍ଟ ସାଇଟ ପୋଲିସ ଘଟଣାସ୍ଥଳରେ ପହଞ୍ଚି ଗାଡିକୁ ଜବତ କରିବା ସହ ଜଣକୁ ଅଟକ ରଖିଛି। ଅନ୍ୟ ଜଣେ ଫେରାର ହୋଇଯାଇଛି । ଏ ବାବଦରେ ପ୍ଲାଣ୍ଟ ସାଇଟ ଥାନାରେ ଏକ ମାମଲା ରୁଜୁ ହୋଇଛି । ସେହିପରି ରବିବାର ଗୋ ମାଂସ ଚାଲାଣକୁ ନେଇ ପାନପୋଷ ଅଞ୍ଚଳରେ ଉତ୍ତେଜନା ଦେଖାଦେଇଥିଲା ଏବଂ ରଘୁନାଥପାଲି ପୋଲିସ 3 ଜଣ ଗୋମାଂସ ଚାଲାଣକାରୀଙ୍କୁ ଗିରଫ କରି କୋର୍ଟ ଚାଲାଣ କରିଥିଲେ ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
