ଦୟାନଦୀରେ ବନ୍ୟା, କଣାସ ଡେଲାଙ୍ଗରେ ବିଦ୍ୟୁତ ସରବରାହ ବାଧାପ୍ରାପ୍ତ

ପୁରୀ କଣାସ ଡେଲାଙ୍ଗରେ ବନ୍ୟା ଯୋଗୁଁ ବାଧାପ୍ରାପ୍ତ ହୋଇଛି ବିଦ୍ୟୁତ ସରବରାହ । ଅନ୍ଧାରରେ ରହିଛନ୍ତି ପ୍ରାୟ ୩୦ ହଜାର ଉପଭୋକ୍ତା । ଅଧିକ ପଢନ୍ତୁ

ପୁରୀ: ଦୟା ନଦୀରେ ବନ୍ୟା ପ୍ରଭାବ (Flood in Daya River) ରେ ଜିଲ୍ଲାର କଣାସ ଓ ଡେଲାଙ୍ଗ ଅଞ୍ଚଳରେ ବାଧାପ୍ରାପ୍ତ ହୋଇଛି ବିଦ୍ୟୁତ ସରବରାହ (power outage) । ବନ୍ୟାଜଳ ସ୍ରୋତରେ ବିଦ୍ୟୁତ ଖୁଣ୍ଟ ଉପୁଡି ପଡିଥିବା ବେଳେ ୨ ଦିନ ହେବ ଏହି ଅଞ୍ଚଳର ପ୍ରାୟ ୩୦ ହଜାର ଉପଭୋକ୍ତା ଅନ୍ଧାରରେ ରହିଥିବା ଜଣାପଡ଼ିଛି ।

ବିଦ୍ୟୁତ ସଂଯୋଗ ପାଇଁ ଟାଟା ପାୱାର ଉଦ୍ୟମ ଆରମ୍ଭ କରିଛି । ଟାଟା ପାୱାରର କର୍ମଚାରୀ ବିଦ୍ୟୁତ ସେବାକୁ ସଜାଡ଼ିବାକୁ ପ୍ରୟାସ କରିଛନ୍ତି । ମୋଟର ବୋଟ୍‌ ସାହାଯ୍ୟରେ ତାର ଟାଣି ବିଦ୍ୟୁତ ସଂଯୋଗକୁ ସ୍ବାଭାବିକ କରିବାକୁ ପ୍ରୟାସ କରିଥିଲେ । ହେଲେ ପ୍ରୟାସ ସଫଳ ହୋଇ ପାରିନାହିଁ । ଏବେ ବି ଡେଲାଙ୍ଗ, କଣାସ ଅଞ୍ଚଳ ଅନ୍ଧକାରରେ ରହିଛି ।

ଇଟିଭି ଭାରତ, ପୁରୀ