ଭୁବନେଶ୍ବର/ପୁରୀ: ରାଜ୍ୟରେ 100 ଦିନ ପୂରା କଲେ ମୋହନ ସରକାର । ଶହେ ଦିନରେ ରାଜ୍ୟବାସୀ ପାଇଁ କଣ କରିଛନ୍ତି ରାଜ୍ୟ ସରକାର । ଶରଧାବାଲିରେ ଗୋଟି ଗୋଟି କରି ହିସାବ ଦେଲେ ମୁଖ୍ୟମନ୍ତ୍ରୀ ମୋହନ ମାଝୀ । ରିପୋର୍ଟ କାର୍ଡ ଉପସ୍ଥାପନ କରି ଦେଲେ ବିଜେପି ସରକାରଙ୍କ କାମର ହିସାବ । ଏହି ଅବସରରେ ସଫଳତାର ସୂଚନା ପୁସ୍ତିକା ଉନ୍ମୋଚନ କରିବା ସହ ରାଜ୍ୟ ଉଦ୍ଦେଶ୍ୟରେ ରଖିଲେ ଅଭିଭାଷଣ । ଜାଣନ୍ତୁ ଅଭିଭାଷଣରେ କଣ କଣ କହିଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ।
ଆମ ସଂକଳ୍ପ ପତ୍ର ଆମ ଧର୍ମ ଗ୍ରନ୍ଥ:
ମୋହନ ମାଝୀ ଅଭିଭାଷଣରେ କହିଛନ୍ତି, ଏ ଜାତି ମହାପ୍ରଭୁଙ୍କ ଆଶୀର୍ବାଦ ବିନା ନିଶ୍ବ । ଗଣତନ୍ତ୍ରରେ ସରକାର ପ୍ରଜାଙ୍କର, ଏବଂ ପ୍ରଜାଙ୍କ ପାଇଁ । ଲୋକ ମତ, ଲୋକ ହିତ ଓ ଲୋକ ସ୍ବାର୍ଥ ହିଁ ସର୍ବୋପରି । 24 ବର୍ଷର ଅହଙ୍କାରୀ ଓ ଲୋକ ବିରୋଧୀ ସରକାରର ପତ୍ତନ ଘଟିଛି, ଲୋକଙ୍କ ପାଇଁ । ଲୋକଙ୍କ ସମସ୍ୟାରୁ ଦୂରେଇ ଗଲେ, ଲୋକ ଗ୍ରହଣ କରିବେ ନାହିଁ ବୋଲି 2024 ନିର୍ବାଚନରୁ ପ୍ରମାଣିତ ହୋଇଛି । ପୂର୍ବ ସରକାର ଭୋଟ ରାଜନୀତି ପାଇଁ ମହାପ୍ରଭୁ ଜଗନ୍ନାଥଙ୍କୁ ବ୍ୟବହାର କରିଥିଲେ । ଆମ ପାଇଁ ଆମ ସଂକଳ୍ପ ପତ୍ର ଆମ ଧର୍ମ ଗ୍ରନ୍ଥ । ଆମେ ଲୋକଙ୍କ ସରକାର ହିସାବରେ ଆମେ ପ୍ରତିପାଦିତ କରି ପାରିଛୁ ।
ସଫଳତାର ୧୦୦ ଦିନ
— Mohan Charan Majhi (@MohanMOdisha) September 19, 2024
ଆଜି ଲୋକଙ୍କ ସରକାରର ସଫଳତାର ୧୦୦ ଦିନ ପୂରଣ ହୋଇଛି। ମହାପ୍ରଭୁ ଶ୍ରୀ ଜଗନ୍ନାଥଙ୍କ ଆଶୀର୍ବାଦ ଏବଂ ଓଡ଼ିଶାବାସୀଙ୍କ ସମର୍ଥନରେ ଆମ ସରକାରକୁ ସେବା କରିବାର ଏକ ସୁଯୋଗ ମିଳିଛି। ଆମେ ଦେଇଥିବା ପ୍ରତିଶ୍ରୁତିକୁ ପୂରଣ କରିବା ପାଇଁ ଯେଉଁ ସଂକଳ୍ପ ନେଇଥିଲୁ ଆଜି ତାହା ପୂରଣ ହେଉଛି। ଆମ ସଂକଳ୍ପ ପତ୍ର ଆମର ଧର୍ମ ଗ୍ରନ୍ଥ,… pic.twitter.com/aZDGQEWAia
ଦୟାରେ ଚାଲିଥିଲା ପୂର୍ବ ସରକାର:
ମୋହନ ଆହୁରି କହିଛନ୍ତି, ‘ବର୍ଷ ବର୍ଷ ଧରି ସରକାରୀ ଅଧିକାରୀଙ୍କ ଦୟାରେ ଚାଲିଥିଲା ପୂର୍ବ ସରକାର । ଏବେ ଲୋକଙ୍କ ସିଧାସଳଖ ଅଭିଯୋଗ ଶୁଣୁଛନ୍ତି ମୁଖ୍ୟମନ୍ତ୍ରୀ ଓ ମନ୍ତ୍ରୀ ମାନେ । ଭବିଷ୍ୟତରେ ରାଜ୍ୟର ବିଭିନ୍ନ ସ୍ଥାନରେ ଅଭିଯୋଗ ଶୁଣାଣି କରାଯିବ । ଏବଂ ଲୋକଙ୍କ ସବୁ ସମସ୍ୟା ଶୁଣି ସରକାର ସମାଧାନ କରିବା ପାଇଁ ଯୋଜନା କରୁଛନ୍ତି । ମିଛ ପ୍ରଚାର ଓ ମିଛ ପରିସଂଖ୍ୟାନରେ ସମସ୍ୟା ସମାଧାନ ହୁଏ ନାହିଁ । ଆମେ କେମିତି କାମ କରୁଛୁ, ତାହା ଲୋକ କହିବେ। ନିର୍ଦ୍ଦିଷ୍ଟ ସମୟ ଭିତରେ ଲୋକଙ୍କୁ ଦେଇଥିବା ପ୍ରତିଶ୍ରୁତି ପାଳନ ପାଇଁ କାମ ଚାଲିଛି ।’
ସେହିପରି ରାଜ୍ଯର ସ୍ୱାସ୍ଥ୍ୟସେବାକୁ ସୁଦୃଢ କରିବା ନିମନ୍ତେ ବଜେଟରେ ୩୨% ବୃଦ୍ଧି କରି ଲୋକଙ୍କୁ ଉପଯୁକ୍ତ ସ୍ୱାସ୍ଥ୍ୟ ସେବା ଯୋଗାଇଦେବା, ଭିତ୍ତିଭୂମିର ବିକାଶ, ଅତ୍ୟାଧୁନିକ ସ୍ୱାସ୍ଥ୍ୟ ସୁବିଧା, ଡାକ୍ତର ଏବଂ ପାରାମେଡିକାଲ ପଦବୀ ପୂରଣ, ଆୟୁଷ୍ମାନ ଓ ଗୋପବନ୍ଧୁ ଆରୋଗ୍ୟ ଯୋଜନା ଲାଗୁ ପାଇଁ ନିଷ୍ପତ୍ତି ନିଆଯାଇଛି।
— Mohan Charan Majhi (@MohanMOdisha) September 19, 2024
ଶିକ୍ଷା କ୍ଷେତ୍ରରେ… pic.twitter.com/XUmSzhCoKM
ଭକ୍ତ-ଭଗବାନ ମଧ୍ୟରେ ଦୂର ହେଲା ପ୍ରତିବନ୍ଧକ:
ଶ୍ରୀମନ୍ଦିର ଚାରି ଦ୍ଵାରା ଖୋଲିବା ଆମର ପ୍ରଥମ ପଦକ୍ଷେପ ଥିଲା । ଭକ୍ତ ଓ ଭଗବାନଙ୍କ ମଧ୍ୟରେ ତିଆରି ହୋଇଥିବା ମନ୍ୟୁଷକୃତ ପ୍ରତିବନ୍ଧକ ଦୂର ହୋଇଛି । ଓଡ଼ିଆ ଅସ୍ମିତା ପୁନଃ ପ୍ରତିଷ୍ଠା ପାଇଁ 200 କୋଟି ଟଙ୍କାର ସ୍ଥାୟୀ ପାଣ୍ଠି ଗଠନ ହୋଇଛି । ଶ୍ରୀମନ୍ଦିର ଉନ୍ନତି ପାଇଁ 500 କୋଟିର କର୍ପସ ପାଣ୍ଠି ବ୍ୟବସ୍ଥା କରାଯାଇଛି । ଧାନର ସର୍ବନିମ୍ନ ସହାୟକ ମୂଲ୍ୟ 3100 ଟଙ୍କା କରାଯାଇଛି । ସୁଭଦ୍ରା ଯୋଜନାରେ 1 କୋଟିରୁ ଊର୍ଦ୍ଧ୍ବ ମହିଳାଙ୍କୁ ପ୍ରଥମ କିସ୍ତି ମିଳିବା ଆରମ୍ଭ ହୋଇଛି ।
ଖୁବ ଶୀଘ୍ର ଲାଗୁ ହେବ ଆୟୁଷ୍ମାନ ଯୋଜନା:
ମୋହନ ଆହୁରି କହିଛନ୍ତି, ‘ପୂର୍ବ ସରକାର ନିଜ ଅହଙ୍କାର ପାଇଁ ଆୟୁଷ୍ମାନ ଯୋଜନା ଲାଗୁ କରୁନଥିଲେ । ଖୁବଶୀଘ୍ର ଲାଗୁ ହେବ ଆୟୁଷ୍ମାନ ଭାରତ ଯୋଜନା । ଦେଶର 27 ହଜାରରୁ ଅଧିକ ହସ୍ପିଟାଲରେ ଓଡ଼ିଶାର ଲୋକ ମାନେ ଚିକିତ୍ସା ସେବା ପାଇ ପାରିବେ । ଗୋପବନ୍ଧୁ ଜନ ଆରୋଗ୍ୟ ଯୋଜନାରେ ସ୍ବାସ୍ଥ୍ୟ ଭିତ୍ତିଭୂମି ସୁଦୃଢ କରାଯିବ । ପ୍ରତି ଜିଲ୍ଲାରେ ମେଡିକାଲ କଲେଜ ସହ ଖାଲି ଥିବା ଡାକ୍ତର ପଦବୀ ଏବଂ ପାରା ମେଡିକାଲ ଷ୍ଟାଫ ପଦବୀ ଖୁବଶୀଘ୍ର ପୂରଣ ହେବ । ସ୍କୁଲ କଲେଜରେ ଶିକ୍ଷାର ମାନ ବୃଦ୍ଧି ପାଇଁ ଅନେକ ପଦକ୍ଷେପ ନିଆଯାଇଛି । ଆମ ଗାଁ ଆମ ବିକାଶ ଯୋଜନାରେ ଗ୍ରାମାଞ୍ଚଳ ଭିତ୍ତିଭୂମି ଆହୁରି ମଜବୁତ ହେବ । ଆବାସ ପୋର୍ଟାଲ ମଧ୍ୟ ଆରମ୍ଭ କରାଯାଇଛି ।’
3ଟି ସେମିକଣ୍ଡକ୍ଟର ଶିଳ୍ପ ପାଇଁ ମଞ୍ଜୁରୀ:
ଶ୍ରମିକଙ୍କ ପାଇଁ ସର୍ବନିମ୍ନ ମଜୁରୀ ବୃଦ୍ଧି କରାଯାଇଛି । ନିର୍ମାଣ ଶ୍ରମିକଙ୍କ ପାଇଁ ଦୁର୍ଘଟଣା ଜନିତ ମୃତ୍ୟୁ ପାଇଁ 6 ଲକ୍ଷ ଟଙ୍କାର ସହାୟତା ରାଶି ଘୋଷଣା କରାଯାଇଛି । 5 ବର୍ଷରେ ଦେଢ଼ ଲକ୍ଷ ନିଯୁକ୍ତି ଦିଆଯିବ । ରାଜଧାନୀରେ ଏଫଡିଆଇ ପାର୍କ ପ୍ରତିଷ୍ଠା ହେବ । ରାଜ୍ୟରେ ନୂଆ 11ଟି MSME ପାର୍କ ପ୍ରତିଷ୍ଠା କରାଯିବ । ସିଙ୍ଗିଲ ୱିଣ୍ଡୋ କ୍ଲିୟରଣରେ ଗତ 100 ଦିନ ଭିତରେ 45 ହଜାର କୋଟିର ପୁଞ୍ଜିନିବେଶ ପାଇଁ 3ଟି ସେମିକଣ୍ଡକ୍ଟର ଶିଳ୍ପ ପାଇଁ ମଞ୍ଜୁରୀ ଦିଆଯାଇଛି । ରେଳ କ୍ଷେତ୍ରରେ 25 ହଜାର କୋଟିର ପ୍ରକଳ୍ପ କେନ୍ଦ୍ର ସରକାର ଉପହାର ଦେଇଛନ୍ତି । 70 ହଜାର କୋଟିର ପ୍ରକଳ୍ପ ମଞ୍ଜୁର ହୋଇସାରିଛି । 1 ଲକ୍ଷ କୋଟିର ପ୍ରକଳ୍ପ ମିଳିବ ।
ଦୁର୍ନୀତିରେ ଯିଏ ସମ୍ପୃକ୍ତ ତାକୁ ଛାଡିବନି ଆମ ସରକାର:
କେନ୍ଦ୍ର ସଡକ ପରିବହନ ମନ୍ତ୍ରୀ 21 ହଜାର କୋଟିର ଜାତୀୟ ରାଜପଥ ପ୍ରକଳ୍ପ ପାଇଁ ଅନୁଦାନ ଦେଇଛନ୍ତି । ଏବଂ 50 ହଜାର କୋଟିର ଜାତୀୟ ରାଜପଥ ପ୍ରକଳ୍ପ ପାଇଁ ପ୍ରସ୍ତାବ ଦେଇଛନ୍ତି । ଦୁର୍ନୀତି ନିବାରଣ ବିଭାଗ ପକ୍ଷରୁ ଗତ 100 ଦିନ ଭିତରେ 71ଟି ମାମଲା ରୁଜୁ ହୋଇଛି । 58 ଜଣ ଦୁର୍ନୀତିଗ୍ରସ୍ତ ଅଫିସରଙ୍କୁ ଗିରଫ କରି ଜେଲ ପଠାଯାଇଛି । ଯେଉଁଥିରେ 17 ଜନ ପ୍ରଥମ ଶ୍ରେଣୀ ଅଧିକାରୀ, 7 ଜଣ ଦ୍ଵିତୀୟ ଶ୍ରେଣୀ ଅଧିକାରୀ ଅଛନ୍ତି । ପୂର୍ବ ସରକାର ଛୋଟ ଛୋଟ କିରାଣୀ ମାନଙ୍କୁ ଧରୁଥିଲେ । କିନ୍ତୁ ଦୁର୍ନୀତିରେ ଯିଏ ସଂପୃକ୍ତ ଅଛନ୍ତି, ଆମ ସରକାର କାହାକୁ ଛାଡ଼ିବ ନାହିଁ । 20ଟି ମାମଲାରେ 66 କୋଟି 50 ଲକ୍ଷ ଟଙ୍କା ଜବତ ହୋଇଛି । 50 ପ୍ରତିଶତରୁ ଅଧିକ ଦୋଷୀ ସାବ୍ୟସ୍ତ ହାର ବଢିଛି ।
ଉପମୁଖ୍ୟମନ୍ତ୍ରୀ ପ୍ରଭାତି ପରିଡାଙ୍କ ଅଭିଭାଷଣ:
ମୋହନ ସରକାରଙ୍କ 100 ଦିନ ପୂର୍ତ୍ତି ଅବସରରେ ପୁରୀ ଶରଧାବାଲି ଠାରେ ସରକାର ଦେଲେ ରିପୋର୍ଟ କାର୍ଡ । ଏହି ପରିପ୍ରେକ୍ଷୀରେ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ନିଜ ଅଭିଭାଷଣରେ କହିଛନ୍ତି, ‘ପ୍ରଭୁ ଜଗନ୍ନାଥଙ୍କ ଆଶୀର୍ବାଦରେ ଓଡ଼ିଶାରେ ସରକାର ପରିବର୍ତ୍ତନ ହେଲା । ଯାହା ମୋଦି ଗ୍ୟାରେଣ୍ଟି ଥିଲା, ଚାରି ଦ୍ଵାରା ଖୋଲିଲା, ରତ୍ନ ଭଣ୍ଡାର ଖୋଲିଲା, ସୁଭଦ୍ରା ଯୋଜନା ଦିଆଗଲା । ଶ୍ରୀମନ୍ଦିର ପାଇଁ 500 କୋଟିର ବ୍ୟବସ୍ଥା କରାଗଲା । ଓଡ଼ିଆ ଅସ୍ମିତା ସୁରକ୍ଷା ପାଇଁ 200 କୋଟିର କର୍ପସ ଫଣ୍ଡ ହୋଇଛି । ସାଧାରଣ ଲୋକଙ୍କ ମୁଖ୍ୟମନ୍ତ୍ରୀ ହୋଇ ଛିଡା ହେଲେ ମୋହନ ମାଝୀ । ଅଭିଯୋଗ ପ୍ରକୋଷ୍ଠ ଖୋଲିଲା, ଲୋକଙ୍କ ଅଭିଯୋଗ ଶୁଣାଣି ହେଲା । ଏ ସରକାରର ସବୁଠୁ ବଡ଼ ସଫଳତା, ଲୋକଙ୍କ ସହ ଯୋଡ଼ି ହେବାର ପ୍ରତିବଦ୍ଧତା । ଲୋକଙ୍କ ଭରସା ତିଆରି ହୋଇଛି । ସାଧାରଣ ଲୋକ ମନ୍ତ୍ରୀଙ୍କ ପାଖରେ ପହଞ୍ଚି ପାରୁଛନ୍ତି । ଯାହା କଥା ଦେଇଥିଲୁ କରୁଛୁ । ନିର୍ବାଚନ ପୂର୍ବରୁ କହିଥିଲେ, ମିଶନ ଶକ୍ତି ବନ୍ଦ ହୋଇଯିବ କିନ୍ତୁ ମିଶନ ଶକ୍ତି ଆଜି ଦୌଡୁଛି । ମହିଳାଙ୍କୁ ଶକ୍ତିଶାଳୀ କରିବା ପାଇଁ ସରକାର ପ୍ରତିଶ୍ରୁତିବଦ୍ଧ । ଅନେକ ବିକାଶମୂଳକ କାମ ପାଇଁ ଭିତ୍ତିଭୂମି ପଡ଼ୁଛି ।
ରାତି 2ଟା ପର୍ଯ୍ୟନ୍ତ କାମ କରୁଛନ୍ତି ମୁଖ୍ୟମନ୍ତ୍ରୀ:
‘ଏ ସରକାରଙ୍କୁ ସାଧାରଣ ଲୋକଙ୍କ ଭରସା ଓ ବିଶ୍ବାସ ଦରକାର । ଅନ୍ୟ ମହିଳା ମାନଙ୍କୁ ମଧ୍ୟ ଖୁବଶୀଘ୍ର ପ୍ରଥମ କିସ୍ତି ମିଳିବ । ମୋଦି ଗ୍ୟାରେଣ୍ଟିରେ ଯାହା ଲେଖିଛୁ, ସବୁ ଗୋଟିଏ ଗୋଟିଏ କରି ପୂରଣ କରାଯିବ । ଗାଁ ଲୋକଙ୍କ ପାଖକୁ ଯୋଜନାର ସୁଫଳ ପହଞ୍ଚାଇବା ପ୍ରଶାସନିକ ଅଧିକାରୀ ମାନେ ଯିବେ । ଗରିବଙ୍କୁ ପକ୍କା ଘର ମିଳିବ । ମୋଦିଙ୍କ ଯୋଜନା ଓ ମୋହନ ସରକାରଙ୍କ ପ୍ରତିବଦ୍ଧତାକୁ ନେଇ ଡବଲ ଇଞ୍ଜିନ ସରକାର ଚାଲିବ । ରେଳବାଇ କ୍ଷେତ୍ରରେ 10 ହଜାର କୋଟିର ଅନୁଦାନ ମିଳିଛି । ଗାଁରେ ଥିବା ମହିଳା ମାନଙ୍କୁ ସଶକ୍ତ କରି ସ୍ବାବଲମ୍ବୀ କରିବା ପାଇଁ ମୋହନ ସରକାର ପ୍ରତିଶ୍ରୁତିବଦ୍ଧ । ରାତି 2 ଟା ଯାଏଁ ଲୋକଙ୍କ ପାଇଁ କାମ କରୁଛନ୍ତି ମୁଖ୍ୟମନ୍ତ୍ରୀ ଓ ମନ୍ତ୍ରୀ ମଣ୍ଡଳ ସଦସ୍ୟ । ଓଡ଼ିଶାବାସୀଙ୍କ ସ୍ବପ୍ନ ପୂରଣ କରିବେ ସରକାର । ଗାଁର ଭିତ୍ତିଭୂମି ଆହୁରି ମଜବୁତ୍ ହେବ ।’
ଓଡିଶାର ଗରିବି ସୀମାରେଖା ତଳେ ରହୁଥିବା ଲୋକ ଯେଉଁ ସ୍ୱପ୍ନ ଦେଖୁଛି ତାକୁ ପୂରଣ କରିବାକୁ ଆମେ ପ୍ରତିଶୃତିବଦ୍ଧ । ଓଡିଶାର ଏକ ନବ ଯୁଗର ଆରମ୍ଭ ହେବ । ମହିଳାଙ୍କ ନେତୃତ୍ୱରେ ଓଡିଶା ଅର୍ଥନୀତିର ଅଗ୍ରଗତି ହେବ । 'ମୋଦୀ ଗ୍ୟାରେଣ୍ଟି'ରେ ଯାହା ଲେଖିଛୁ ତାହା ନିଶ୍ଚୟ ପୂରଣ କରିବୁ । pic.twitter.com/pz7j2tkmtN
— Pravati Parida (@PravatiPOdisha) September 19, 2024
ଆୟୁଷ୍ମାନ ଭାରତକୁ ନେଇ ସ୍ବାସ୍ଥ୍ୟମନ୍ତ୍ରୀଙ୍କ ଘୋଷଣା:
ବିଜେପି ସରକାରର 100 ଦିନ ପୂର୍ତ୍ତି ଉତ୍ସବରେ ସ୍ବାସ୍ଥ୍ୟ ମନ୍ତ୍ରୀ ମୁକେଶ ମହାଲିଙ୍ଗଙ୍କ ଘୋଷଣା । ଆୟୁଷ୍ମାନ ଭାରତ ଯୋଜନା ଏବଂ ଗୋପବନ୍ଧୁ ଜନ ଆରୋଗ୍ୟ ଯୋଜନା ଦ୍ଵାରା ଦେଶ ସାରା 27 ହଜାର ହସ୍ପିଟାଲରେ ମିଳିବ ଚିକିତ୍ସା ସୁବିଧା । ପୂର୍ବ ସରକାରରେ ମାତ୍ର 900 ହସ୍ପିଟାଲରେ ଚିକିତ୍ସା ସେବା ସୁବିଧା ମିଳୁଥିଲା । ଖୁବଶୀଘ୍ର 3 ହଜାର ଡାକ୍ତର ଏବଂ ପାରା ମେଡିକାଲ ଷ୍ଟାଫ ନିଯୁକ୍ତ ହେବେ, ମାସେ ଦୁଇ ମାସ ଭିତରେ ଚିକିତ୍ସା ସେବା ଯୋଗାଇ ଦେବେ । ପୁରୀ ମେଡିକାଲ କଲେଜରେ ବିଏସସି ନର୍ସିଂ କୋର୍ସ ଆସନ୍ତା ବର୍ଷରୁ ଆରମ୍ଭ ହେବ । ସବୁ ଜିଲ୍ଲା ମୁଖ୍ୟ ଚିକିତ୍ସାଳୟରେ କ୍ୟାନ୍ସର ଚିକିତ୍ସା ପାଇଁ ବ୍ୟବସ୍ଥା କରାଯିବ । 5 ବର୍ଷରେ ଦେଢ଼ ଲକ୍ଷ ନିଯୁକ୍ତି ଦିଆଯିବ । ମୁଖ୍ୟମନ୍ତ୍ରୀଙ୍କୁ ଭେଟିବାକୁ 5ଟା କବାଟ ଦେଇ ଯିବାକୁ ପଡୁଥିଲା । କିନ୍ତୁ ଏବେ ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ସିଧାସଳଖ ଭେଟି ପାରିବେ ଲୋକ ।
