କଟକ: ସହରରେ ଚଳିତବର୍ଷ ପାଳନ ହେବନି ଗଣେଶ ପୂଜା । ସାମୂହିକ ଗଣେଶ ପୂଜା ଉପରେ ଲାଗିଛି ରୋକ । ଶାନ୍ତି କମିଟି ଓ ପୂଜା କମିଟି ସହ କମିଶନରେଟ ପୋଲିସର ବୈଠକରେ ଏପରି ନିଷ୍ପତ୍ତି ନିଆଯାଇଛି । ତେବେ ଏହାକୁ ସ୍ବାଗତ କରିଛନ୍ତି ଉଭୟ ଶାନ୍ତି ଓ ପୂଜା କମିଟି ।
କାରଣ କୋରୋନା ସ୍ଥିତି ଯାହା ବର୍ତ୍ତମାନ ଅଛି ଯଦି ଏହାରି ଭିତରେ ପୂଜା ପାଇଁ ଅନୁମତି ମିଳେ ତେବେ ସଂକ୍ରମଣ ବଢିବାର ସମ୍ଭାବନା ଅଛି । ତେବେ ଏହି ଆଧାରରେ ସାମୂହିକ ପୂଜାକୁ ବନ୍ଦ କରାଯାଇଛି ।
ଆଉ ସବୁଠୁ ଗୁରୁତ୍ବପୂର୍ଣ୍ଣ କଥା ହେଉଛି କଟକ ଦୁର୍ଗାପୂଜା କଥା ମଧ୍ୟ ଆଶଙ୍କା ଘେରରେ । କୌଣସି ବି ପୂଜା କମିଟି ଆଗୁଆ ମୂର୍ତ୍ତି ଗଢିବା ପାଇଁ ଅଗ୍ରୀମ ଟଙ୍କା ପୈଠ କରିବାକୁ ବାରଣ କରିଛି କମିଶନରେଟ ପୋଲିସ । ତେବେ କୁହାଯାଇପାରେ ଦୁର୍ଗା ପୂଜାକୁ ନେଇ ମଧ୍ୟ ଆଶଙ୍କା ଜାରି ରହିଛି । ତେବେ ଏହି ବୈଠକରେ ଶାନ୍ତି କମିଟି ବିଦାୟୀ ଡିସିପି ଅଖିଳେଶ୍ଵର ସିଂ, ନୂଆ ଡିସିପି ଭାବରେ ଦାୟିତ୍ବ ଭାର ଗ୍ରହଣ କରିବାକୁ ଯାଉଥିବା ପ୍ରତୀକ ସିଂ, ଶାନ୍ତି କମିଟି ଓ ପୂଜା କମିଟି ସଦସ୍ୟମାନେ ଉପସ୍ଥିତ ଥିଲେ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
