ଢେଙ୍କାନାଳ: କୋଭିଡ ମହାମାରୀ ସଂକ୍ରମଣ ଆଶଙ୍କା ଯୋଗୁଁ ପର୍ଯ୍ୟାୟ କ୍ରମେ ପିଲାଙ୍କ ଅଫଲାଇନ ପାଠପଡା ଆରମ୍ଭ ହେଉଛି । ଫଳରେ ଦୀର୍ଘ ଦେଢ଼ ବର୍ଷ ପରେ ଆଜିଠାରୁ ରାଜ୍ୟବ୍ୟାପୀ ଷଷ୍ଠ ଓ ସପ୍ତମ ଶ୍ରେଣୀର ଅଫଲାଇନ ପାଠପଢା ଆରମ୍ଭ ହୋଇଛି । ଏଥିପାଇଁ ଗଣଶିକ୍ଷା ବିଭାଗ ପକ୍ଷରୁ ସ୍ବତନ୍ତ୍ର ଗାଇଡ଼ଲାଇନ ଜାରି କରାଯାଇଛି । ସକାଳ ସାଢେ ୯ ଟାରୁ ୧ଟା ଯାଏଁ ଏହି ଅଫଲାଇନ ପାଠପଢା ଆରମ୍ଭ ହୋଇଛି ।
ତେବେ ଢେଙ୍କାନାଳ ଜିଲ୍ଲାରେ ମୋଟ ୪୯୬ ଟି ସ୍କୁଲର ମୋଟ ୧୫ ହଜାର ୬୩୨ ଜଣ ଛାତ୍ରଛାତ୍ରୀଙ୍କ ଅଫଲାଇନ କ୍ଲାସ ପାଇଁ ପୂର୍ବରୁ ପ୍ରସ୍ତୁତି କରାଯାଇଥିଲା । ଆଜି(ସୋମବାର) ପ୍ରଥମ ଦିନରେ ଢେଙ୍କାନାଳ ଜିଲ୍ଲାରେ ଶତକଡା ୫୯ ପ୍ରତିଶତ ପିଲାଙ୍କ ଉପସ୍ଥାନ ଥିବା ଜିଲ୍ଲା ଶିକ୍ଷା ବିଭାଗ ପକ୍ଷରୁ ସୂଚନା ମିଳିଛି । ତେବେ ସ୍କୁଲ ଶ୍ରେଣୀଗୃହକୁ ସାନିଟାଇଜ ସହ ପିଲାଙ୍କୁ ଗେଟ ପାଖରୁ ସାନିଟାଇଜ କରାଯିବା, ସାମାଜିକ ଦୂରତା ତଥା ମାସ୍କ ପିନ୍ଧିବାକୁ କଡାକଡି କରାଯାଇଥିବା ପ୍ରଧାନ ଶକ୍ଷକ ଓ ଶିକ୍ଷୟିତ୍ରୀମାନେ ପ୍ରକାଶ କରିଛନ୍ତି । ସେପଟେ ଦୀର୍ଘ ଦେଢ଼ ବର୍ଷ ପରେ ଏହି ଅଫଲାଇନ କ୍ଲାସର ସୁଯୋଗ ମିଳିଥିବାରୁ ଛାତ୍ରଛାତ୍ରୀ ଉତ୍ସାହିତ ହୋଇପଡିଛନ୍ତି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
