ଭୁବନେଶ୍ବର: ଇନଫୋସିଟି ଥାନା ଅଞ୍ଚଳରେ ଭୟାବହ ଅଗ୍ନିକାଣ୍ଡ । ଆର୍ଚିସ-ଆମିଗୋ ଦୁଇଟି ରେସ୍ତାରାଁ ନିଆଁ ଲାଗିଥିବା ସୂଚନା । ଘଟଣାସ୍ଥଳରେ ଅଗ୍ନିଶମ ବାହିନୀ ନିୟୋଜିତ ।
ସୂଚନା ଅନୁଯାୟୀ ରାଜଧାନୀ ସ୍ଥିତ ଇନଫୋସିଟି ଥାନା ଅଞ୍ଚଳରେ ଭୟାବହ ଅଗ୍ନିକାଣ୍ଡ । ହୁତୁହୁତୁ ହୋଇ ଜଳୁଛି ଆର୍ଚିସ-ଆମିଗୋ ରେସ୍ତାରାଁ । ପ୍ରାୟ ଏକ ଘଣ୍ଟା ହେବ ରେସ୍ତାରାଁ ଜଳୁ ଥିବାବେଳେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା ଜାରିରଖିଛି ।
ତେବେ ସର୍ଟ ସର୍କିଟ କାରଣରୁ ଅଗ୍ନିକାଣ୍ଡ ଘଟିଥିବା ସୂଚନା ମିଳିଛି । ଅଗ୍ନିକାଣ୍ଡ ଫଳରେ ଶିଖରଚଣ୍ଡୀ-ବିଗ ବଜାର ରାସ୍ତାରେ ଗାଡି ମୋଟର ଅଟକି ରହିଛି । ଅନ୍ୟପଟେ ଇନଫୋସିଟି ଥାନା ପୋଲିସ ଘଟଣାସ୍ଥଳରେ ପହଞ୍ଚିଛି ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
