ଭୁବନେଶ୍ବର: ରାଜ୍ୟରେ ପଶୁ ମୃତ୍ୟୁ ନେଇ ଏବେ ଚର୍ଚ୍ଚା ଜୋର ଧରିଛି । ଜଙ୍ଗଲରେ ପଶୁ ଏବେ ଅସୁରକ୍ଷିତ । ବିଶେଷକରି ହାତୀ ମୃତ୍ୟୁ ଏବେ ରାଜ୍ୟ ସରକାରଙ୍କ ମୁଣ୍ଡ ବିନ୍ଧାର କାରଣ ପାଲଟିଛି । କେଉଁଠି ହାତୀକୁ ଗୁଳି ବିଦ୍ଧ ହେଉଛି ତ ଆଉ କେଉଁଠି ହାତୀ ବିଦ୍ୟୁତ ସଂସ୍ପର୍ଶରେ ଆସି ପ୍ରାଣ ହରାଉଛି । ଫଳରେ ହାତୀ ସଂଖ୍ୟା ଲୋପ ପାଇବାରେ ଲାଗିଛି । ଏନେଇ ବିରୋଧୀ ଏବେ ସରକାରଙ୍କୁ ଟାର୍ଗେଟ କରିଛନ୍ତି ।
ହାତୀ କରିଡର ହୋଇଛି, କୋଟି କୋଟି ଟଙ୍କା ବ୍ୟୟ ହେଉଛି । ହେଲେ କେବଳ ହାତୀ ନୁହେଁ ସମସ୍ତ ବନ୍ୟଜନ୍ତୁ ଅସୁରକ୍ଷିତ ହୋଇ ପଡିଥିବା କଂଗ୍ରେସ ନେତା ସୁର ରାଉତରାୟ କହିଛନ୍ତି । ସେ କହିଛନ୍ତି ଯେ, ମହାପ୍ରଭୁଙ୍କ ସ୍ନାନପୁର୍ଣ୍ଣିମାରେ ତିନି ଠାକୁର ହାତୀ ବେଶ ହୋଇ ଦର୍ଶନ ଦେଇଥିଲେ । ହାତୀଙ୍କ ସୁରକ୍ଷା ସଂସ୍କୃତି ପରମ୍ପରା ସହ ଜଡିତ । ସରକାର ହାତୀ ସୁରକ୍ଷାରେ ଚରମ ଅବହେଳା କରିଛନ୍ତି । ଜଙ୍ଗଲ ସୁରକ୍ଷା ସରକାରଙ୍କ ବଡ଼ ଦାୟିତ୍ୱ । ନନ୍ଦନକାନନରେ ମଧ୍ୟ ପଶୁ ମୃତ୍ୟୁ ବ୍ୟାପକ ଭାବେ ବଢିଛି । ତେଣୁ ସରକାର ଏହାର ସୁବ୍ୟବସ୍ଥା ତୁରନ୍ତ କରନ୍ତୁ ବୋଲି ଦାବି କରିଛନ୍ତି କଂଗ୍ରେସ ବିଧାୟକ ସୁର ରାଉତରାୟ ।
ଇଟିଭି ଭାରତ, ଭୁବନେଶ୍ବର
