ଭୁବନେଶ୍ବର: କାଷ୍ଟିଂ କାଉଚ ମାମଲାରେ ଓଲିଉଡ଼ର ହାସ୍ୟ ଅଭିନେତା ପପୁ ପମ୍ପମ୍ଙ୍କୁ ମିଳିଛି କ୍ଲିନ୍ଚିଟ୍ । ଏହାପରେ ଆସିଛି ଘଟଣାର ପ୍ରଥମ ସୂଚନାଦାତା ତଥା ଆଇନଜୀବୀ ବବିତା କରଙ୍କ ପ୍ରତିକ୍ରୀୟା । ତେବେ ପ୍ରମାଣ ଅଭାବରୁ ହାସ୍ୟ ଅଭିନେତା ପପୁ ଖସି ଯାଇଥିବା ସେ ଅଭିଯୋଗ ଆଣିଛନ୍ତି ।
ତାଙ୍କ ଅଭିଯୋଗ ଅନୁସାରେ, "ପୀଡି଼ତାଙ୍କୁ ଉପରେ ଚାପ ପକାଯାଇଥିବା ଏବଂ ପଇସା ପତ୍ର ଦେଇ ପ୍ରଭାବିତ କରାଯାଇଥିବା ନେଇ ସେ ଆଶଙ୍କା କରିଛନ୍ତି । ଏଥିଯୋଗୁଁ ପୀଡି଼ତା ତାଙ୍କ ବୟାନ ବଦଳାଇ ଦେଇଥାଇପାରନ୍ତି । ଯଦି ଏହି କେସ୍ ମିଛ ହୋଇଗଲା ଅର୍ଥାତ CWC ମିଛ । ପୋଲିସର ଦତନ୍ତ ମଧ୍ୟ ମିଛ । ପୋଲିସର ତଦନ୍ତ ସଠିକ ହେଲା ନାହିଁ । ସରକାରୀ ଓକିଲଙ୍କୁ ସଠିକ୍ ତଥ୍ୟ ଦିଆଗଲା ନାହିଁ । ଫଳରେ ନିର୍ଦ୍ଦୋଶରେ ଖଲାସ ହେଲେ ପପୁ।" ଏ ନେଇ ବବିତା ହୋଇକୋର୍ଟ ଯିବେ ବୋଲି କହିଛନ୍ତି ।
ଏହା ବି ପଢନ୍ତୁ- କାଷ୍ଟିଂ କାଉଚ ମାମଲାରେ ପପୁ ପମ୍ପମ୍ଙ୍କୁ ମିଳିଲା କ୍ଲିନ୍ଚିଟ୍
ସେ ଆହୁରି କହିଛନ୍ତି ଯେ, " ପପୁ ଜଣେ ପ୍ରଭାବଶାଳୀ ଲୋକ । ତାଙ୍କ ଦ୍ବାରା ପ୍ରଭାବିତ ହୋଇଥାଇପାରନ୍ତି ପୀଡି଼ତା । କେବଳ ଏହି କେସ୍ ନୁହେଁ, ଏଭଳି ପ୍ରାୟ ୪୯ଟି ପୋକ୍ସୋ କେସ୍ରେ ନିର୍ଦ୍ଦୋଶରେ ଖଲାସ ହୋଇଛନ୍ତି ।" ଆଇନଜୀବୀ ବବିତା ଏଭଳି ସାଙ୍ଘାତିକ ଅଭିଯୋଗ ଆଣିଛନ୍ତି । ଏହାସହ କେସ୍ର ଆଇଓ ଶୁଣାଣୀ ବେଳେ ହାଜର ନେହବା ନେଇ ମଧ୍ୟ ସେ ପ୍ରଶ୍ନ ଉଠାଇଛନ୍ତି ।
ଅନ୍ୟ ପକ୍ଷରେ ପପୁଙ୍କ ଓକିଲ ବିକାଶ ରାଉତରାୟ କହିଛନ୍ତି ଯେ, "ପୀଡି଼ତା ଶୁଣାଣୀ ବେଳେ ତାଙ୍କ ବୟାନରେ କହିଥିଲେ ତାଙ୍କ ସହ ସେପରି କିଛି ହୋଇନାହିଁ । କେସର ଆଇଓ ମଧ୍ୟ ବାରମ୍ବାର ନୋଟିସ ସତ୍ତ୍ବେ ହାଜର ହେଲେ ନାହିଁ । ଅର୍ଥାତ ତାଙ୍କ ମହକିଲ ସମ୍ପୂର୍ଣ୍ଣ ନିର୍ଦ୍ଦୋଶ । କୋର୍ଟ ରାୟ ଶୁଣାଇଛନ୍ତି । ଏଥିରେ ଅଧିକ କିଛି କହିବାର ନାହିଁ।"
ଇଟିଭି ଭାରତ, ଭୁବନେଶ୍ବର
