ଭୁବନେଶ୍ବର: ବ୍ରଜରାଜନଗର ଉପନିର୍ବାଚନ ପ୍ରଚାରକୁ ଜୋରଦାର କରିଛନ୍ତି ବିଭିନ୍ନ ରାଜନୈତିକ ଦଳ । ଷ୍ଟାର ପ୍ରଚାରକ ମଧ୍ୟ ପ୍ରଚାର ମୈଦାନକୁ ଓହ୍ଲାଇ ସାରିଛନ୍ତି । ବିଭିନ୍ନ ଦଳ ପକ୍ଷରୁ ଗଳିକନ୍ଦିରୁ ଆରମ୍ଭ କରି ଛକ ବଜାରରେ ଚାଲିଛି ହାଇଟେକ ପ୍ରଚାର । ଆସନ୍ତାକାଲି ପ୍ରଚାର ମଇଦାନକୁ ଓହ୍ଲାଇରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଏନେଇ ପ୍ରତିକ୍ରିୟା ରଖିଛି ବିଜେଡି । ଲୋକଙ୍କ ସହ ବିଜୁ ଜନତା ଦଳ ଅଛି । ତେଣୁ ଦଳ ଅନ୍ୟଙ୍କୁ ଅନୁସରଣ କରେ ନାହିଁ ବୋଲି କହିଛନ୍ତି ବିଜେଡି ବିଧାୟକ ପ୍ରତାପ ଦେବ ।
ଆସନ୍ତାକାଲି ବ୍ରଜରାଜନଗରେ ମାରାଥନ ପ୍ରଚାର କରିବେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଏଥିପାଇଁ ସ୍ୱତନ୍ତ୍ର ରଣନୀତି ପ୍ରସ୍ତୁତ କରୁଛି ଭାରତୀୟ ଜନତା ପାର୍ଟି । ଅନ୍ୟପଟେ ବିଜେଡି ପ୍ରଚାର ଜୋରଦାର କରିଥିବା ବେଳେ ମୁଖ୍ୟମନ୍ତ୍ରୀ ପ୍ରଚାର ମୈଦାନକୁ ଓହ୍ଲାଇବେ କି ନାହିଁ ତାହା ଉପରେ ସମସ୍ତଙ୍କ ନଜର ରହିଛି । ତେବେ ଏହାକୁ ନେଇ ବିଜେଡି ମୁଖପାତ୍ର ପ୍ରତାପ ଦେବ ପ୍ରତିକ୍ରିୟା ରଖିଛନ୍ତି ।
ସେ କହିଛନ୍ତି ଯେ, ମୁଖ୍ୟମନ୍ତ୍ରୀ ପ୍ରଚାରକୁ ଯିବା ନେଇ ଏଯାଏଁ କିଛି ଖବର ନାହିଁ । ବିଜେଡିକୁ ୫ ଥର ଲୋକେ ନିର୍ବାଚିତ କଲେଣି । ମୁଖ୍ୟମନ୍ତ୍ରୀ ପ୍ରଚାରକୁ ଯିବେ ନା ନାହିଁ ତାହା ସେ ନିଷ୍ପତ୍ତି ନେବେ । ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ପାଖରେ ଏ ନେଇ ସୂଚନା ଥିବ । ବିଜେଡି କାହାକୁ ଅନୁସରଣ କରେ ନାହିଁ । ଦଳ ଲୋକଙ୍କ ସହ ସବୁବେଳେ ଅଛି । ଲୋକଙ୍କ ପାଖକୁ ଯାଉଛୁ । ତୃଣମୂଳସ୍ତରରେ ଦଳ ଲଢ଼ୁଛି । କିଏ ପ୍ରଚାରକୁ ଆସିବେ ସେ ନେଇ ଦଳ ବିଚଳିତ ହେବାର ନାହିଁ ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
