ଭୁବନେଶ୍ବର: ବଜେଟ ଅଧିବେଶନର ଦ୍ଵିତୀୟ ଦିନରେ ବିରୋଧୀଙ୍କ ହଙ୍ଗାମା। ଶୁକ୍ରବାର ବାଚସ୍ପତି ଦେଇଥିବା ରୁଲିଂ କୁ ବିରୋଧ କରି ଏହି ହଙ୍ଗାମା ହୋଇଥିବା ଦେଖିବାକୁ ମିଳିଥିଲା। ପୋଡିୟମ ସମ୍ମୁଖରେ ବିଧାୟକ ହୋହଲ୍ଲା କରିପାରିବେ ନାହିଁ ବୋଲି ରୁଲିଂ ଦେଇଥିଲେ ବାଚସ୍ପତି । ଏହାକୁ ମଧ୍ୟ ଗଣମାଧ୍ୟମ ଖବର ପ୍ରକାଶ କରିପାରିବେ ନାହିଁ ବୋଲି କହିଥିଲେ । ଫଳରେ ଅପରାହ୍ନ 3ଟାଯାଏଁ ଗୃହ ମୁଲତବୀ କରିଥିଲେ ବାଚସ୍ପତି ।
ବାଚସ୍ପତି ଦେଇଥିବା ରୁଲିଂ ପ୍ରତ୍ୟାହାର କରନ୍ତୁ ଦାବି କଲେ ବିରୋଧୀ ଦଳ ନେତା ପ୍ରଦୀପ୍ତ ନାୟକ । ସେପଟେ ବିଜେଡି ବିଧାୟକ ଏହାର ଉତ୍ତରରେ "ସାଢେ 4 କୋଟି ଲୋକ ଆମ କାର୍ଯ୍ୟକ୍ରମ ଦେଖିବାକୁ ଅପେକ୍ଷା କରିଛନ୍ତି। ରାଜ୍ୟ ସରକାର ସବୁ ଉତ୍ତର ଦେବାକୁ ବଦ୍ଧପରିକର। ମୋର ସବୁ ଦଳ ବିଧାୟକଙ୍କୁ ଅନୁରୋଧ, ମହତ ବିଧାନସଭାକୁ ଠିକ ଭାବେ କାର୍ଯ୍ୟକାରୀ କରିବାକୁ ଦିଆଯାଉ"।
ଗଣମାଧ୍ୟମ ଓ ବାଚସ୍ପତି ଦୁଇଟି ଶକ୍ତି । ବାହାରେ ଗଣମାଧ୍ୟମକୁ ଚ୍ୟାଲେଞ୍ଜ କରିବା ଭିନ୍ନ କଥା। ହେଲେ ବିଧାନସଭାର ରୁଲସ ଓ କାର୍ଯ୍ୟ ପ୍ରଣାଳୀକୁ କାର୍ଯ୍ୟକାରୀ କରିବା ବାଚସ୍ପତିଙ୍କ ଗୁରୁ ଦାୟିତ୍ବ ବୋଲି ବିଜେଡି ବିଧାୟକ ପ୍ରଦୀପ ମହାରଥୀ କହିଛନ୍ତି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
