ଭୁବନେଶ୍ବର: କ୍ୟାପିଟାଲ ହସ୍ପିଟାଲରେ ସୃଷ୍ଟି ହୋଇଛି ବିରଳ ରେକର୍ଡ । ହସ୍ପିଟାଲରେ ପ୍ରଥମ ଥର ପାଇଁ ଏଏସଡି ମେସିନ ଜରିଆରେ ହୋଇଛି ସଫଳ ଚିକିତ୍ସା । ନୂଆ କରି ଯୋଗ ଦେଇଥିବା ହୃଦରୋଗ ବିଶେଷଜ୍ଞ ଡ଼ଃ ପି କେ ଦାସ ଏହି ଅପରେସନକୁ ସଫଳତା ପୂର୍ବକ ଶେଷ କରିଛନ୍ତି । ତେବେ ଭବିଷ୍ୟତରେ କ୍ୟାପିଟାଲ ହସ୍ପିଟାଲରେ ଏଭଳି ଅସ୍ତ୍ରୋପଚାର କରାଯିବ ବୋଲି ହସ୍ପିଟାଲ କର୍ତ୍ତୃପକ୍ଷ ସୂଚନା ଦେଇଛନ୍ତି ।
ସୂଚନା ଅନୁଯାୟୀ ବ୍ରହ୍ମପୁରରୁ ଆସିଥିବା 8 ବର୍ଷର ବାଳିକାର ହୃତପିଣ୍ଡରେ ଜନ୍ମରୁ ଏକ ଛିଦ୍ର ରହିଥିଲା । ଯାହାକୁ ଓପନ ହାର୍ଟ ସର୍ଜରୀ କରାନ ଯାଇ ରବିବାର ବିନା ଅସ୍ତ୍ରୋପଚାରରେ ଚିକିତ୍ସା କରାଯାଇଛି। ଆର୍ଟିକିଲ ସେଟଲ ଡିଟେକ୍ଟର ମେସିନ ଦ୍ବାରା ହୋଇଥିବା ଏହି ଅସ୍ତ୍ରୋପଚାର ସଫଳ ହୋଇଥିବା ବେଳେ କ୍ୟାପିଟାଲ ହସ୍ପିଟାଲର ଏହା ପ୍ରଥମ ଉପଲବ୍ଧି । ବର୍ତ୍ତମାନ ବାଳିକା ଜଣଙ୍କ ଆଇସିୟୁରେ ରହିଛି। ସମ୍ପୂର୍ଣ ସୁସ୍ଥ ହେବା ପରେ ତାଙ୍କୁ ହସ୍ପିଟାଲରୁ ଡିସଚାର୍ଜ କରାଯିବ ବୋଲି କ୍ୟାପିଟାଲ ହସ୍ପିଟାଲର କର୍ତ୍ତୃପକ୍ଷ କହିଛନ୍ତି।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
