ବ୍ରହ୍ମପୁର: ସହର ଉପକଣ୍ଠ ହଳଦିଆପଦର ଠାରେ ଏକ ସଡକ ଦୁର୍ଘଟଣାରେ ଆହତ ବ୍ୟକ୍ତିଙ୍କୁ ଉଠାଇ ମେଡିକାଲକୁ ପଠାଇଛନ୍ତି ବ୍ରହ୍ମପୁର ଆରକ୍ଷୀ ଅଧିକ୍ଷକ ପିନାକ ମିଶ୍ର । ବ୍ରହ୍ମପୁର ଏସପି କୌଣସି କାର୍ଯ୍ୟରେ ଯାଉଥିବା ସମୟରେ ହଠାତ ସଡକ ଦୁର୍ଘଟଣାରେ ଆହତ ହୋଇ ରାସ୍ତା ଉପରେ ଜଣେ ବ୍ୟକ୍ତି ପଡିଥିବା ଦେଖିବାକୁ ପାଇଥିଲେ । କାଳ ବିଳମ୍ବ ନକରି ସେ ଗାଡିରୁ ଓହ୍ଲାଇ ଆହତଙ୍କୁ ଉଦ୍ଧାର କରିବା ସହ ନିଜ ମାନବିକତାର ପରିଚୟ ଦେଇଥିଲେ ।
ବ୍ରହ୍ମପୁର ଏସପିଙ୍କ ମାନବିକତା, ଆହତଙ୍କୁ ଉଦ୍ଧାର କରି ପଠାଇଲେ ଡାକ୍ତରଖାନା
ଏସପି ପିନାକ ମିଶ୍ର ନିଜ ଗାଡିରୁ ଓହ୍ଲାଇ ଆହାତଙ୍କ ପାଖରେ ପହଞ୍ଚିବା ସହ ଦେଖାଇଥିଲେ ନିଜର ମାନବିକତା । ଆହତଙ୍କୁ ନିଜେ ଉଠାଉଥିବା ବେଳେ ପାଖରେ ଥିବା ଅନ୍ୟ ପିଏସଓ ଓ କର୍ମଚାରୀମାନେ ସହାୟତା କରିଥିଲେ । ଆହତଙ୍କୁ ଚିକିତ୍ସା ପାଇଁ ପଠାଇଥିବା ଜଣାପଡିଛି । ବ୍ରହ୍ମପୁର ଏସପିଙ୍କ ଏଭଳି ମାନବିକତା କାର୍ଯ୍ୟକୁ ବିଭିନ୍ନ ମହଲରେ ପ୍ରଶଂସା କରାଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
